| CODE | MAL2032 | ||||||||||||
| TITLE | Il-Malti għall-Amministraturi Pubbliċi | ||||||||||||
| UM LEVEL | 02 - Years 2, 3 in Modular Undergraduate Course | ||||||||||||
| MQF LEVEL | 5 | ||||||||||||
| ECTS CREDITS | 2 | ||||||||||||
| DEPARTMENT | Maltese | ||||||||||||
| DESCRIPTION | Deskrizzjoni: Din it-taqsima-studju hija waħda prattika biex terġa’ ġġib il-kunfidenza fit-tħaddim tal-ilsien Malti, partikolarment fil-kitba. L-istudenti jkunu mistiedna jaħdmu eżerċizzji prattiċi biex jirrevedu r-regoli tal-grammatika, l-ortografija, is-sintassi u l-punteġġjatura. Waqt it-taqsima-studju l-istudenti jitħarrġu kif jiktbu stqarrijiet għall-istampa, ittri uffiċjali u ċirkularijiet. Ikollhom ukoll l-opportunità li jsaħħu l-abbiltà tagħhom fit-traduzzjoni ta’ testi mill-Ingliż għall-Malti, filwaqt li jipprattikaw l-għodod elettroniċi fit-tħaddim tal-Malti fuq il-kompjuter. B’dan il-mod l-istudenti jħossuhom aktar kunfidenti meta jiktbu bil-Malti. Dan fl-isfond li l-kitba bil-Malti hija rekwiżita għal xogħlijiet u karrieri li jinteressaw lill-istudenti li għalihom hija mmirata din it-taqsima-studju, jiġifieri dawk tal-Public Management u Social Policy. Din it-taqsima-studju tħarreġ ukoll lill-istudenti fl-aspett tat-taħdit bil-Malti. Għal dan il-għan l-istudenti jkunu mġiegħla jippreparaw preżentazzjoni bil-powerpoint dwar suġġett partikolari. Għanijiet tal-kors: Il-miri ta’ din it-taqsima-studju jinqasmu fi tlieta. L-ewwel, dan il-kors huwa maħsub biex l-istudenti jitgħallmu jiktbu b’Malti ortografiku tajjeb permezz ta' taħriġ prattiku. Dan isir billi jkunu mfakkra r-regoli uffiċjali tal-ortografija u jkunu kkomunikati l-aħħar deċiżjonijiet fl-aġġornament tal-Malti. It-tieni, dan il-kors għandu l-għan li jiżviluppa ħiliet partikolari fil-mod ta’ kif għandu jitħaddem il-Malti fuq il-post tax-xogħol. B’mod partikolari, l-istudenti jkunu megħjuna dwar il-mod ta’ kif jistgħu jifformulaw il-ħsibijiet tagħhom, jittraduċu testi mill-Ingliż għall-Malti u jiktbu stqarrijiet għall-istampa. F’dan il-kuntest, l-istudenti, bħala uffiċjali pubbliċi, ikunu mħarrġa kif jiktbu ċirkularijiet u ittri uffiċjali b’Malti tajjeb. It-tielet għan huwa li jħarreġ lill-istudenti jitkellmu b’Malti tajjeb u b’mod kunfidenti quddiem sħabhom biex b’hekk ikunu ppreparati f’każ li jkollhom jagħtu xi taħdita quddiem udjenza fil-kuntest proprju ta’ xogħolhom. Tagħlim Fi tmiem il-kors l-istudenti se jkunu: - saħħew l-ortografija tagħhom; - jafu liema huma l-aħħar aġġornamenti fl-ortografija, kif tfasslu u l-għaliex; - jiddistingwu bejn il-prinċipji differenti li ls-sistema tal-kitba bil-Malti hija bbażata fuqhom u jsiru konxji tal-ġerarkija li trid tiġi segwita biex ikunu applikati dawn il-prinċipji; - bnew il-ħila għal traduzzjoni tajba mill-Ingliż għall-Mal- ifasslu l-prinċipji ta’ kif għandhom iħejju stqarrijiet għall-istampa u materjal ieħor biex ikun ippubblikat bil-Malti; - jafu jiktbu ċirkularijiet u ittri uffiċjali b’Malti tajjeb; - ifasslu l-prinċipji ta’ kif għandhom iħejju stqarrijiet għall-istampa u materjal ieħ or biex ikun ippubblikat bil-Malti; - jafu jagħmlu preżentazzjoni dwar suġġett partikolari marbut mal-qasam tagħhom b’Malti mitħaddet tajjeb u b’reġistru addattat. 2. Ħiliet Fi tmiem il-kors l-istudenti se jkunu kapaċi: - jirrealizzaw li kull kitba bil-Malti għandha tkun miktuba b’ortografija tajba; - jirrealizzaw li minkejja li lingwa, bħall-Malti, jista’ jkollha l-vokabularju tagħha magħġun minn sorsi differenti, xorta waħda jista’ jkollha sistema ta’ kitba stabbilita; - iħaddmu l-Malti b’mod effettiv fuq il-post tax-xogħol kemm fil-kitba kif ukoll fit-taħdit; - japprezzaw dejjem iżjed l-utilità u s-sbuħija tal-ilsien nazzjonali tar-Repubblika ta’ Malta. Biblijografija: - Cassar, M. (2000) Ir-Reqqa tal-Kitba. Malta: Merlin Library - Akkademja tal-Malti (2004), Tagħrif fuq il-Kitba Maltija, Malta: KKM - Akkademja tal-Malti (2001), Regoli tal-Kitba tal-Malti, Malta: KKB - Kunsill Nazzjonali tal-Ilsien Malti (2008), Deċiżjonijiet 1: Lista alfabetika tal-kliem li ttieħdet b’deċiżjoni dwaru, Malta: Kunsill Nazzjonali tal-Ilsien Malti - Cassola, George (2002), Dizzjunarju tal-Kontabilità: Ingliż – Malti, Malta: University Press - Saliba, Charles Daniel (2010), Malti għall-Eżamijiet b’Pariri u Tweġibiet, Malta: Gutenberg Press - Mallia, Fiona (2012), ‘Il-Lingwa Maltija’ f’ Il-Kultura Maltija, Malta: KKM. |
||||||||||||
| ADDITIONAL NOTES | Offrut biss lill-Amministraturi Pubbliċi. | ||||||||||||
| STUDY-UNIT TYPE | Lecture | ||||||||||||
| METHOD OF ASSESSMENT |
|
||||||||||||
| LECTURER/S | Dwayne Ellul |
||||||||||||
|
The University makes every effort to ensure that the published Courses Plans, Programmes of Study and Study-Unit information are complete and up-to-date at the time of publication. The University reserves the right to make changes in case errors are detected after publication.
The availability of optional units may be subject to timetabling constraints. Units not attracting a sufficient number of registrations may be withdrawn without notice. It should be noted that all the information in the description above applies to study-units available during the academic year 2023/4. It may be subject to change in subsequent years. |
|||||||||||||