L-ingress tal-Granmastru Zondadari fil-Birgu - 1720

Abstract

Kienet drawwa li kien bdieha fl-1530 l-ewwel Granmastru f'Malta, Philippe Villiers de l'Isle Adam (1521-34) li l-Granmastru jieħu formalment pussess tas-sovranita tal-Gżejjer Maltin billi jagħmell-Ingress solenni tiegħu fil-Belt l-Qadima ta' Notabile (Mdina). Għal din l-okkażjoni kienu jiġu mistednin l-membri ta' l-Ordni u n-Nobilta Maltija. Tabilħaqq Zondadari għamel l-Ingress tiegħu fl-Imdina fit-30 ta' Ġunju 1720. Ukoll wara li f'Marzu 1571 l-Ordni kien ħalla l-Birgu u stabilixxa is-sede tiegħu fil-Belt ġdida Valletta, xi Granmastri wara l-elezzjoni tagħhom kienu għamlu Ingress solenni uffiċjali fil-Birgu u attendew funzjoni ta' Radd il-Ħajr fil-knisja ta' San Lawrenz. Fost il-Granmastri li żammew din it-tradizzjoni kien hemm Antoine de Paule (1623-1636), Rafel Cottoner (1660 - 1663) u Perellos. Zondadari kien fost dawn il-Granmastri li għamlu l-pussess tagħhom ukoll fil-Birgu. Fil-laqgħa tal-Kunsill ta' l-Ordni tat-8 ta' Awissu 1720 l-Granmastru Zondadari għarref l-istess Kunsill li kien bi ħsiebu jmur l-Birgu biex jieħu pussess ta' din il-belt: jiġifieri l-Ħadd 11 ta' Awissu 1720. Huwa stieden l-Kunsill għal dik il-funzjoni.