https://www.um.edu.mt/library/oar/handle/123456789/135022 2026-04-04T20:29:20Z 2026-04-04T20:29:20Z Spagnol, Michael https://www.um.edu.mt/library/oar/handle/123456789/132314 2025-02-26T09:24:57Z 2023-01-01T00:00:00Z

Title: Riċerkaturi : Ħarġa 5 Authors: Spagnol, Michael Abstract: - Kliem itir: Michael Spagnol; - L-innijiet reliġjużi Maltin: it-temi u l-lirika tagħhom: Sara Abela; - Il-varjazzjoni lessikali f'Għawdex: stħarriġ f'erba' lokalitajiet: Maureen Borg; - Il-Fallaċja patetika fir-Romantiċiżmu bikri: Vassallo, Muscat Azzopardi u Psaila: Michela Buttigieg; - Il-fonestetika ta' Mario Azzopardi: Andre Camilleri; - Il-figura politika fil-lirika ta' Oliver Friggieri: multipliċita` ta' ilħna politiċi: Romilda Pace

2023-01-01T00:00:00Z Spagnol, Michael https://www.um.edu.mt/library/oar/handle/123456789/132313 2025-02-26T09:35:24Z 2023-01-01T00:00:00Z

Title: Kliem itir Authors: Spagnol, Michael Abstract: Din mhix biss vetrina ta’ studji importanti dwar il-Malti fil-livell ta’ Baċellerat li jkunu tressqu f’sena partikolari. Ħarġa ħarġa qed indommu sensiela ta’ artikli li jħaddmu u jiżviluppaw il-lingwaġġ akkademiku bil-Malti. Fl-isfond ta’ lingwa li f’bosta oqsma għadha qed titfarfar, ix-xogħlijiet miġburin f’din ir-rivista huma kontribut għall-għarfien u għar-riċerka daqskemm mezz biex tissawwar terminoloġija speċjalizzata u riżorsi lingwistiċi bil-Malti.

2023-01-01T00:00:00Z Abela, Sara https://www.um.edu.mt/library/oar/handle/123456789/132312 2025-09-25T09:42:19Z 2023-01-01T00:00:00Z

Title: L-innijiet reliġjużi Maltin : it-temi u l-lirika tagħhom Authors: Abela, Sara Abstract: Billi ħassejt li dan il-ġeneru letterarju ftit li xejn ġie ttrattat f ’taħriġ akkademiku, xtaqt nimla dan il-vojt b’din ir-riċerka dwar l-innijiet reliġjużi Maltin u t-temi u l-lirika tagħom. Ikun dnub għalina l-Maltin li dan il-wirt mużikali, reliġjuż u letterarju jintilef kif ġieb u laħaq. F’dan l-artiklu, se niddiskuti l-aspett storiku u kulturali tal-innu reliġjuż mill-oriġini tiegħu, imbagħad fil-kuntest lokali; it-tliet kategoriji tal-innu: l-innu liturġiku, l-innu ċelebrattiv, u l-innu soċjali bi sfond reliġjuż; u t-temi u l-lirika ta’ innijiet kif joħorġu minn għadd ta’ innijiet rappreżentattivi mill-ġabra li għamilt. Minħabba li l-lista kienet twila, ħadt id-deċiżjoni li niffoka biss fuq l-innijiet li għandhom lirika oriġinali u ġennibt l-addattamenti jew traduzzjonijiet li jistgħu jkunu suġġett għal teżi oħra.

2023-01-01T00:00:00Z Borg, Maureen https://www.um.edu.mt/library/oar/handle/123456789/132311 2026-02-20T10:15:37Z 2023-01-01T00:00:00Z

Title: Il-varjazzjoni lessikali f’Għawdex : stħarriġ f’erba’ lokalitajiet Authors: Borg, Maureen Abstract: Mir-riċerka li saret s’issa nafu li l-lingwa tvarja minn lokalità għal oħra fuq diversi livelli, fosthom il-livell fonetiku u fonoloġiku, grammatikali u lessikali. Ix-xogħlijiet li saru fuq id-djaletti Għawdxin ġeneralment jiffukaw fuq lokalità waħda jew tnejn, bħall-istudji fuq aspetti fonetiċi u fonoloġiċi t’Għajnsielem (Grech, 2019) u tan-Nadur u Ta’ Sannat (Farrugia, 2016), inkella jaqbdu ma’ qasam lessikali partikolari, bħall-ħelu (Rapa, 1995), l-ilbies (Spiteri, 2016), is-sengħa tal-iskarpan (Mejlak, 2017) u tal-ħaddied (Bajada, 2019), bl-eċċezzjoni ta’ Attard u Spagnol (2014) li jeżaminaw differenzi lessikali ġenerali fost iż-żgħażagħ. Oħrajn jistudjaw il-qagħda soċjolingwistika f ’raħal wieħed, bħax-Xewkija (Cachia, 2015), jew fil-gżira b’mod ġenerali (Cauchi, 2001). Dan l-istudju, li hu parti minn proġett ikbar ta’ riċerka fuq id-djaletti tal-Malti, jittratta l-varjazzjoni lessikali mhux f ’qasam partikolari. Bħal Attard u Spagnol (2014), imiss ma’ oġġetti u kunċetti minn firxa wiesgħa ta’ temi, iżda jistħarriġhom fost 320 ruħ, żgħażagħ u anzjani, minn erba’ lokalitajiet f ’Għawdex: ir-Rabat, ix-Xagħra, ix-Xewkija u ż-Żebbuġ

2023-01-01T00:00:00Z