https://www.um.edu.mt/library/oar/handle/123456789/149798 2026-10-30T08:14:31Z 2026-10-30T08:14:31Z https://www.um.edu.mt/library/oar/handle/123456789/120964 2026-09-30T05:26:46Z 2024-01-01T00:00:00Z

Title: Il-kult lejn San Publiju f’Ruma u f’Malta skont l-informazzjoni ta’ Patri Pelaġju Mifsud Abstract: Wieħed mill-awturi Maltin li wera interess kbir fil-ħajja u l-kult ta’ San Publiju huwa Patri Pelaġju Mifsud Piscopo Gauci (1708- 1781). Il-kitbiet ta’ dan il-patri Kapuċċin fuq dan il-qaddis isqof u martri huma diversi. Xi wħud minnhom baqgħu fil-forma manuskritta, filwaqt li oħrajn ġew ippubblikati. Fl-1775 Patri Pelaġju ppubblika f’Messina l-ewwel edizzjoni tal-ktieb tiegħu dwar San Publiju, blisem: Componimento storico o sia raccolta di varie notizie profane-sacre del Proto Pubblio di S. Luca. Act. Apost. 28.7. Toccanti la condotta del medesimo prima Gentile, indi dall’Apostolo S. Paolo convertito, ed ordinato Primo Vescovo di Malta, d’onde passò a governare l’Ateniese Chiesa, e vi patì Glorioso Martirio. Martyrol. Rom. 21 Jan. Opera del Rev. Sacerdote D. Bartolomeo Mifsud Lopiscopo Maltese. Data in luce a spese delli Maltesi divoti del Santo (Messina: Presso la Ved[ova] di Gaipa, 1775).

2024-01-01T00:00:00Z https://www.um.edu.mt/library/oar/handle/123456789/117498 2024-01-17T12:08:47Z 2023-01-01T00:00:00Z

Title: Il-Missjunarju tal-Maltin : buzzett b’tifkira taċ-Ċentinarju Pawlin ta’ Dun Anton Xiberras Abstract: Bħala qassis, Dun Anton Xiberras iddedika ħajtu għall-għajnuna lill-missjoni evanġelizzatriċi tal-Knisja fl-uffiċċju missjunarju u għall-ħidma pastorali fil-parroċċa ta’ San Ġiljan. Huwa kien ukoll poeta u prożatur prolifiku t’għexieren kbar ta’ xogħlijiet letterarji. Is-sena l-oħra ħabat il-100 anniversarju minn twelidu. Nhar il-11 ta’ Diċembru, il-Kunsill Lokali ta’ raħal twelidu ċċelebrah b’serata kommemorattiva f’Jum in-Naxxar fl-oratorju tan-Naxxar, fejn l-Orkestra ‘Prior Credidi’, taħt id-direzzjoni orkestrali tiegħi, daqqet xi innijiet soċjali u reliġjużi minn tiegħu u saru diskorsi dwar ħajtu u ħidmietu minn Pawlu Catania u Andrew Borg. Fl-istess serata ttella’ wkoll il-buzzett missjunarju ‘Ħolma Vera’ li huwa kien kiteb fl-1954 għall-festa tas-Santa Infanzja. Id-direzzjoni kienet f’idejn Tonio Vella u li fih ħadu sehem erbat itfal Naxxarin. Għall-istess okkażjoni, il-Kunsill tan-Naxxar ħareġ ukoll ktejjeb dwaru b’kitba tiegħi. Dun Anton kiteb ħafna buzzetti missjunarji, speċjalment għar-rivista Malta Missjunarja. Dawn dehru fil-paġna ddedikata lit-tfal taħt il-psewdonimu Ix-Xiħ Missjunarju. Uħud minnhom saħansitra xxandru fuq ir-Rediffusion bħala radjudrammi. Fost dawn insibu wieħed bl-isem ta’ ‘Il-Missjunarju tal-Maltin’, b’tifkira taċ-ċentinarju Pawlin li kien sar fl-1960. Fih, minbarra San Pawl u koppja Maltija, jieħu sehem ukoll San Publju. Kien għalhekk li jien ħassejt li dan il-buzzett missjunarju għandu jidher kelma b’kelma fil-ktieb tal-festa ta’ din is-sena. B’hekk ikun jista’ jitgawda, mhux biss mill-Furjaniżi, imma wkoll minn dawk il-Maltin kollha li għandhom għal qalbhom il-Prinċep tal-gżira u protettur ta’ Malta

2023-01-01T00:00:00Z https://www.um.edu.mt/library/oar/handle/123456789/107602 2023-03-23T09:55:21Z 2023-01-01T00:00:00Z

Title: Ix-xhieda storika-letterali ta’ Patri Pelaġju dwar Ġilormu Cassar bħala l-arkitett tal-kunvent u l-knisja l-antika tal-Kapuċċini fil-Furjana Abstract: It-tradizzjoni orali kif ukoll dik miktuba żżomm li l-bini tal-kunvent u l-knisja l-antika tal-Patrijiet Kapuċċini fil-Furjana kienu ddisinjati mill-Inġinier Malti, Ġilormu Cassar ( c.1520-1592). F'dan l-artiklu ser nippreżentaw xi wħud mill-ewwel xhieda letterali dwar ir-rabta ta' dan l-arkitett Malti ma' dan il-kumpless antik fil-Furjana, filwaqt li ser nippruvaw nevalwaw kemm tassew nistgħu noqogħdu fuq dak li kitbu dawn l-awturi. Nittamaw li dan l-eżerċizzju jgħinna napprezzaw aktar il-wirt li ta isem lil din il-lokalità li fi żmienna hija magħrufa bħala l-Furjana.

2023-01-01T00:00:00Z https://www.um.edu.mt/library/oar/handle/123456789/103481 2022-11-08T07:44:46Z 2000-01-01T00:00:00Z

Title: Il-kappella ta' San Publju f'Ta' Għammar fl-Għarb Għawdex Abstract: Fl-Għarb Għawdex, lejn in-naħa mgħarufa bħala Ta' Għammar jew ta' Wied il-Mielaħ, hemm kappella ta' San Publju, mibnija fuq fuq il-post fejn fil-qedem kien hemm il-knisja ta' San Leonardu. Dan l-artiklu jgħati ħarsa lejn l-istorja ta' din il-kappella u jinnota l-arkitettura u l-ornamentazzjoni tagħha.

2000-01-01T00:00:00Z