https://www.um.edu.mt/library/oar/handle/123456789/43078 2026-04-15T03:12:15Z 2026-04-15T03:12:15Z https://www.um.edu.mt/library/oar/handle/123456789/43232 2019-05-18T01:27:18Z 1996-01-01T00:00:00Z

Title: Kont taf : x’inhi c-C.I.T.E.S. ? Abstract: Il-kummerċ internazzjonali fil-ħajja selvaġġa kemm ta' l-annimali kif ukoll tal-pjanti, jiswa biljuni ta ' dollari fis-sena. Minħabba f 'hekk, numri kbar ta' annimali u pjanti ġew mhedda li jinqerdu minn wiċċ id-dinja. Dan qajjem tħassib dwar il-bżonn ta' ħarsien ta' ċerti speċi, tant li fl-1973 intlaħaq ftehim internazzjonali biex iħares il-ħajja selvaġġa minn dan il-kummerċ. Dan il-ftehim dwar il-kummerċ internazzjonali ta' speċi mhedda ta' flora u fawna huwa magħruf aħjar bħala C.I.T.E.S. (Convention on International Trade in Endangered Species of Wild Flora and Fauna) beda jseħħ mill-1 ta' Lulju 1975. Ilum hemm 130 pajjiż imsieħba f 'dan il-ftehim. Dawn ma jħallux kummerċ isir f'numru ta' speċi mhedda u jirregolaw u jgħassu l- kummerċ fi speċi oħra li jistgħu jsiru mhedda. Description: A list of animal species that are mentioned within this Issue follows this article.

1996-01-01T00:00:00Z https://www.um.edu.mt/library/oar/handle/123456789/43231 2019-05-18T01:27:16Z 1996-01-01T00:00:00Z

Title: Ic-Ceren Abstract: L-isem Ċerna ma jindikax speċi waħda iżda jirreferi għal numru ta' speċi miġbura fil-familja tas-Serran. F'din il-familja nsibu speċi ta' ħut oħra magħrufin, bħal Brieqex, Serran, Dott, Hanżir, Sultan iċ-Ċawl, Spnott, u l-Pixxiroża. Iċ-Ċeren huma ħut b 'ġisem b 'saħħtu li f'xi speċi tropikali jafu jlaħħqu mal-400/500 kg. Iċ-ċeren huma mxerrda ħafna ma' l-ibħra sħan u tropikali, iżda f'dawn l-aħħar snin qed jonqsu minħabba ħafna fatturi, fosthom il-kaċċa sfrenata. Iċ-ċeren huma karnivori u għandhom bżonn kwantita kbira ta' ikel. Huma jħobbu l-aktar molluski ċefalopodi bħal klamari, siċċ u qarnit, kif ukoll ħut bħal vopi u ċawI. Iċ-ċeren huma aktar ħut tal-kosta u għalhekk għandhom bżonn temperaturi kemxejn għoljin għall-iżvilupp tagħhom.

1996-01-01T00:00:00Z https://www.um.edu.mt/library/oar/handle/123456789/43228 2019-05-18T01:27:18Z 1996-01-01T00:00:00Z

Title: Il-Bies tar-Regina Abstract: Il-Bies tar-Reġina huwa għasfur mill-familja tat-tajr tal-priża,jiġifieri dawk l-għasafar li jieklu annimali oħra biex jgħixu. Il-Bies tar-Reġina ġeneralment jaqbad friefet, ġurati u mazzarelli, iżda fi żmien il-bejta jaqbad għasafar żgħar bħall-pitirrossi u l- buful. Dan il-bies huwa adattat sew għal dan it-tip ta' għejxien: għandu għajnejn li jilmħu mill-bogħod, difrejn li jaħtfu u munqar imgħawweġ 'I isfel biex iqatta' l-priża.

1996-01-01T00:00:00Z https://www.um.edu.mt/library/oar/handle/123456789/43227 2019-05-18T01:27:17Z 1996-01-01T00:00:00Z

Title: Il-Leblieb Abstract: Fil-gżejjer Maltin insibu numru mhux ħażin ta' speċi ta' leblieba: uħud minn dawn huma rari, oħrajn jinstabu jikbru kullimkien. Waħda mill-aktar komuni hija l-leblieba tar-raba'. L-għeruq ta' din il-pjanta jnżlu fil-fond ħafna tant li, jekk din tinqata' minn wiċċ il-ħamrija, terġa' ttella'. Huwa għalhekk li l-bdiewa tinkwetahom għax, meta jaħartu, mhux faċli jeħilsu minnha. Hemm leblieb li hu annwali: jiġifieri jiddependi miż-żerriegħa biex jerġa' jtella' s-sena ta' wara; kif ukoll hemm dak li hu perenni, jiġifieri li jibqa' ħaj minn sena għall-oħra.

1996-01-01T00:00:00Z