https://www.um.edu.mt/library/oar/handle/123456789/1043 2026-05-06T11:26:05Z https://www.um.edu.mt/library/oar/handle/123456789/126788 Title: Karattri frammentati fin-novelli ta’ Immanuel Mifsud Abstract: Għażilt li niddiskuti x-xogħol ta’ Immanuel Mifsud għax huwa wieħed mill-aqwa kittieba kontemporanji Maltin u għandu karattri intriganti ħafna fir-rakkonti tiegħu. Iffukajt fuq numru ta’ novelli, u ħallejt barra l-poeżiji u r-rakkont awtobijografiku tiegħu, għax għandu għadd kbir ta’ novelli u kieku qbadthom kollha fid-dettall kont nispiċċa naqbeż illimitu ta’ kliem permess f’teżi bħal din. Filwaqt li n-novelli ta’ Mifsud huma, il-parti l-kbira tagħhom, rakkonti intriganti, kollha għandhom karatteristiċi differenti minn xulxin, għalhekk uħud minnhom juru lillprotagonisti b’mod effettiv fil-binja tagħhom, oħrajn jiffukaw aktar fuq l-istilistika jew ittematika bħala karatteristiċi li jikkumplimentaw il-binja tal-karattri u jsaħħu lframmentazzjoni fihom, fost oħrajn. Għażilt novelli bħal “Demm,” “Anne u Sylvia,” “IlLejl l-Iswed taċ-Ċief,” u “L-Istejjer Strambi ta’ Sara Sue Sammut” fil-kapitlu dwar ilkarattri nisa għax huma novelli rrakkuntati mill-protagonisti femminili stess u matulhom il-qarrejja jistgħu jsegwu l-vjaġġ li jagħmlu l-karattri b’mod dirett. Għalhekk l-idea aħħarija li jisiltu dwar dak li jkunu qraw aktarx tkun aktar qrib tat-test. Barra minn hekk, huma u jaqraw il-qarrejja jħossuhom aktar viċin tal-protagonisti milli kieku l-istorja tkun irrakkuntata minn karattru differenti. Għall-kuntrarju ta’ dan, novelli bħal “8½,” “Rubi,” u “Angela, Jane u Lina” huma rrakkuntati minn narratur omnixxjenti jew minn narratur omodijeġetiku raġel li jitkellem dwar il-karattri nisa. Għalhekk, l-idea li jibnu r-rakkont dwar il-karattri femminili prinċipali kapaċi tibqa’ waħda patrijarkali, kif inhi l-perspettiva f’ħafna narrattiva Maltija. Novelli bħal “Sonia” u “Priscilla,” għalkemm huma xogħlijiet eponimiċi, ma jagħtux wisq dinamiċità lill-protagonisti, għaldaqstant ħassejt li hemm novelli oħra b’karattri aktar kumplessi, bħal “Gideb,” “Spag” u “Lejl ma’ Amy Winehouse,” li joffru perspettivi interessanti. Bl-istess mod “Duħħan: Jew Fdal ta’ Mħabba” ma tidħolx f’wisq dettall dwar il-karattri prinċipali tagħha, waqt li “Ritratti Meħuda s-Sibt Filgħaxija” aktar jistħoqqilha tiġi ttrattata minħabba l-istil ta’ kitba frammentat tagħha. Fin-novelli “Gżejjer” u “Imħabba u Soċjaliżmu” tidher l-idea tal-mara li fis-senswalità kollha tagħha terġa’ lura, f’għajnejn ir-raġel, għall-innoċenza tat-tfulija, ħarsa li fiha nara element patrijarkali qawwi minkejja li tidher “innoċenti.” […] Description: M.A.MALTESE 2014-01-01T00:00:00Z https://www.um.edu.mt/library/oar/handle/123456789/96125 Title: Maltese identity in 20th century theatre Abstract: This dissertation focuses on the way Maltese identity is reflected through theatre in Malta during the 20th century. An attempt has been made to describe how the Maltese nation emerged with particular reference to territory, culture, economy and laws. The Maltese nation analysis serves as the basis for the following chapters dealing with theatrical aspects. The chapters regarding theatre in Malta are divided mainly into literary and popular theatre. In both cases discussions are primarily targeted at works originally written in Maltese for theatrical purposes. The observations made in relation to literary Maltese theatre take into account works which are very popular in Maltese literature and which have already been studied by a number of researchers. The purpose of this research is to look at the drama genre from a different perspective seeking to discover whether Maltese literary drama reflect drama identity. The study of Maltese popular theatre includes observations regarding drama produced by radio and television mediums, and also criticism regarding the teatrini. The chapter dealing with Maltese popular theatre tries to identify references associated with the Maltese nation. Description: M.A.MALTESE 2014-01-01T00:00:00Z https://www.um.edu.mt/library/oar/handle/123456789/66251 Title: Il-kategoriji grammatikali tal-Malti : il-verbi, in-nomi u l-aġġettivi Abstract: Ilsienna bħal-lingwi l-oħra jħaddem kliem b’diversi karatteristiċi differenti. L-aktar fosthom li nzertaw rilevanti għal dal-istudju huma l-karatteristiċi morfoloġiċi bħallinflessjoni u t-tnissil, sintattiċi bħad-distribuzzjoni u l-funzjoni, u oħrajn semantiċi. Dawn se jservu ta’ kriterji ewlenin biex jintlaħaq l-iskop ta’ dal-istudju, jiġifieri biex id-deskrizzjoni lingwistika xxebbah u tifred, tqarreb u tbiegħed lil klassijiet talkliem, imsejħa kategoriji grammatikali, kemm bejniethom u anki fi ħdanhom. L-isfondi huma tnejn: f’binarju minnhom jimirħu l-mudelli tal-filosofija: uħud mill-ideat jaqtgħu linja ċara bejn il-kategoriji u ideat oħra jkanġu l-elementi fi spettri daqslikieku fi mriewaħ; fil-binarju l-ieħor joqogħdu l-ġeneralizzazzjonijiet tipoloġiċi li jiġbru l-fattizzi komuni tal-lingwi dinjin. Id-deskrizzjonijiet tal-karatteristiċi tal-kliem, minbarra li joħorġu fid-dieher dittkanġija fl-ispettri, jagħtu sehemhom biex tissawwar grammatika tal-Malti li tagħraf tfiehem sew kif dal-ilsien jitħaddem fit-taħdit u fil-kitba fi żmienna. It-tagħrif miġbur f’dal-istudju, parti misluta mil-letteratura teknika u parti oħra kontribut ġdid, hu dak biss li hemm bżonn biex jintlaħaq l-iskop li nsemmi fil-bidu. Barra minn hekk, lil hinn mill-kategoriji tal-kliem, dat-tagħrif inebbaħ għadd ta’ ideat ġodda oħrajn fuq ir-ruħ ta’ lsienna li lkoll jistgħu jitqawsu fi mriewaħ differenti bejn żewġ estremi bħall-estremi temporali u spazjali, l-estremi verbali u nominali, u lestremi maskili u femminili. Description: M.A.MALTESE 2014-01-01T00:00:00Z https://www.um.edu.mt/library/oar/handle/123456789/1696 Title: Il-metafora fin-novelli ta’ Clare Azzopardi Abstract: F’din it-teżi se nanalizza l-ewwel ġabra ta’ novelli ta’ Clare Azzopardi, Il-Linja l-Ħadra (2006), billi niffoka primarjament fuq l-użu tal-metafora. F’dawn il-kitbiet tagħha jispikka dan l-element u nħoss li hemm ħafna x’wieħed jiddiskuti fuqu. Il-metafora hija għodda letterarja li ilha tintuża u tiġi diskussa sa mill-bidu tal-letteratura u hija ħafna drabi neċessità u mhux biss metodu ta’ kif jitqiegħed il-kliem biex ikun estetikament sabiħ. Saru numru ta’ studji dwar dan u fl-ewwel kapitlu se nesplora dak li ntqal minn kritiċi differenti fuq is-suġġett. Ir-raġuni li għażilt li niffoka fuq dan ix-xogħol narrattiv huwa li meta bdejt ir-riċerka tiegħi għal din it-teżi, it-tieni ġabra tan-novelli ta’ Azzopardi, Kulħadd Ħalla Isem Warajh, kienet għadha ma ġietx ippubblikata u allura ma stajtx nagħmel referenzi għaliha. Influwenzawni ukoll xogħlijiet oħrajn tagħha bħar-rakkont Frejp, u x-xogħlijiet għall-palk, L-Interdett taħt is-sodda u In-Nisa Maltin Jafu Kif. Tal-ewwel huwa aktar immirat għall-adolexxenti, minkejja li l-istil kontemporanju u t-tematika tiegħu huma relevanti wkoll għall-adulti. Iż-żewġ xogħlijiet l-oħrajn huma drammi li wieħed minnhom rajtu meta ttella’ t-Teatru Manoel u li fit-tnejn li huma hemm temi li jidhru f’kull kitba oħra tagħha. Ir-referenzi għal dawn ix-xogħlijiet f’din it-teżi huma minimi għar-raġuni li xtaqt li jkun hemm analiżi dettaljata tal-ġabra ta’ novelli f’Il-Linja l-Ħadra. Wieħed mill-elementi li jispikkaw fil-pubblikazzjonijiet ta’ Clare Azzopardi huwa l-preżentazzjoni finali għax il-qoxra tal-ktieb tikkonferma l-fehma popolari li “l-ewwel ma tiekol l-għajn.” Il-Linja l-Ħadra, u mhux b’inqas xogħlijiet oħra, għandu qoxra li toħloq kurżità għal dak li hemm fil-ktieb. Il-fatt li t-titlu jimxi id f’id ma’ dak li tippreżenta l-qoxra juri kemm l-ovvju jaf ma jkunx mistenni u li dak li wieħed jaħseb li jaf sew, ma jibqax daqshekk ċar. Il-kitbiet ta’ din l-awtriċi jieħdu din il-forma pjuttost imprevedibbli u l-qarrejja sikwit jissorprendu ruħhom bil-ġrajjiet ta’ din il-ġabra ta’ stejjer. Il-ktieb ilaqqagħna ma’ individwi bi stejjer u episodji minn ħajjithom li aktarx ma tistenniex li jidhru fi ktieb bħal dan. L-element ta’ surrealiżmu jispikka u jispikkaw ukoll is-sorpriżi f’ħajjet dawn l-individwi. L-użu tal-metafora tul in-novelli jiddomina iżda jingħaqad ma’ mekkaniżmi oħra li jagħmluha aktar effettiva. Għaldaqstant fid-diskussjoni dwar il-metafora jissemmew għodod oħra li jitwaħħdu magħha biex ikun hemm l-effetti mixtieqa. It-tieni u t-tielet kapitlu janalizzaw lista ta’ metafori li tfasslet qabel bdiet il-kitba ta’ din it-teżi. Il-metafori ġew ikkategorizzati skont it-temi u s-suġġetti li jmissu magħhom. It-tieni kapitlu janalizza b’mod speċifiku l-personifikazjoni, id-deumanizzazzjoni u t-transferred epithet, li għalkemm toħroġ f’kull metafora, anke dawk tat-tielet kapitlu, hija aktar evidenti f’din it-taqsima. Se nara liema elementi joħorġu ta’ spiss u b’mod rikorrenti fl-istejjer ta’ dan il-ktieb u liema temi joħorġu f’għadd kbir ta’ metafori. Dawn l-elementijispikkaw fl-istil ta’ kitba ta’ Azzopardi u allura se jkunu kruċjali għall-analiżi tiegħi. It-tielet kapitlu se jiffoka aktar fuq dawk il-metafori li janalizzaw l-emozzjoni u huma iżjed intensi minn dawk li janalizzaw temi aktar tanġibbli. Fit-tieni kapitlu se niffoka fuq ir-relazzjonijiet tal-bnedmin magħhom infushom u ma’ xulxin, mentri fit-tielet kapitlu hemm relazzjoni aktar profonda mal-ħajja u mad-dinja ta’ madwarhom għax jidħlu temi eżistenzjali. Minkejja dan, huwa diffiċli li taqta’ linja dritta bejn grupp ta’ metafori u ieħor għax kollha jidħlu f’xulxin b’tali mod li ma jistgħux jinfirdu għalkollox. L-għan ta’ din it-teżi huwa li nanalizza l-metafori ta’ Azzopardi b’dawl fuq dak li jkun intqal fuq il-metafora qabel. Dak li jinteressani l-aktar huwa l-kontemporanjetà tal-kitba u l-mod kif jinħolqu l-metafori u l-effetti li jħallu. Se niddiskuti metafori qodma u kif issa saru moderni u kif japplikaw għall-karattri u l-istejjer b’mod lokali u fl-istess ħin b’interpretazzjonijiet universali. Description: B.A.(HONS)MALTESE 2014-01-01T00:00:00Z