https://www.um.edu.mt/library/oar/handle/123456789/106551 2026-05-31T19:31:09Z https://www.um.edu.mt/library/oar/handle/123456789/106617 Title: Fora Melitensia : 2004 : Numru 1 Authors: Zammit Ciantar, Joe Abstract: Werrej: 1/ Il-Letteratura u s-Soċjetà: Studju Dijakroniku tal-Ħsieb Estetiku Malti - Josette Attard -- 2/ Il-Malti Standard u d-Djalett: Rabta bejn l-Ilsien u l-Kultura - Anthony Cardona -- 3/ Tipoloġija tal-Kunjomijiet Maltin - Mario Cassar -- 4/ L-importanza tal-Litteriżmi Soċjali fil-Ħajja u l-Edukazzjoni b'Referenza wkoll għal Malta - Franza Mifsud -- 5/ Lejn id-Diskursività ta' Kopjun tas-Seklu Tmintax - Ġorġ Mifsud-Chircop -- 6/ A Nineteenth-Century Manuscript on the Maltese Language - Joe Zammit-Ciantar Description: Studji li nqraw fis-Seminar: Aspetti tal-Kultura Maltija - is-6 ta' Ġunju 2003 2004-01-01T00:00:00Z https://www.um.edu.mt/library/oar/handle/123456789/106629 Title: Il-letteratura u s-soċjetà : studju dijakroniku tal-ħsieb estetiku Malti Authors: Attard, Josette Abstract: Daħla: Terry Eagleton tistqarr li ebda test ma jirrifletti jew ifisser kunċetti ideoloġiċi tar-realtà soċjali, iżda x-xogħlijiet letterarji nnifishom huma prodotti ta' din ir-realtà. Din l-istqarrija trid tittieħed fid-dawl tat-teorija letterarja Marxista u għalhekk ir-relazzjoni tal-letteratura mas-soċjetà hi ppreżentata minn aspett wieħed biss. Din it-tema kienet mistħarrġa f'epoki differenti skond ix-xejriet tal-ħsieb ta' l-epoka u għalhekk ħarġu teoriji diversi minn kittieba ewlenin skond it-twemmin tagħhom. L-istess ġara fil-każ tal-Maltin. Il-letteratura f'relazzjoni mas-soċjetà ħadet sfumaturi differenti li jvarjaw mill-Klassiku, għar-Romantiku u għal teoriji moderni aktar reċenti. 2004-01-01T00:00:00Z https://www.um.edu.mt/library/oar/handle/123456789/106630 Title: Il-Malti standard u d-djalett : rabta bejn l-ilsien u l-kultura Authors: Cardona, Anthony Abstract: Il-Preambolu Storiku: Hija ħaġa naturali li l-ilsien qiegħed biex jaqdi s-soċjetà li tkun tużah bħala mezz ta' komunikazzjoni. Dan ifisser li mal-mitt sena ilu l-Malti ta' dak iż-żmien kien differenti ferm minn tal-lum. La kien jeżisti l-Malti Standard kif nafuh illum, la kien jeżisti l-element Ingliż fih u x'aktarx li l-Malti kien ġabra ta' djaletti distinti mifruxin ma' l-irħula ta' Malta u Għawdex. Anki fejn jidħol il-Malti miktub ma kienx hemm regoli ta' ortografija waħda u kull min kien jikteb, jew kien jivvinta alfabet b'karattri strambi meħudin mis-Semitiku jew, mill-Ebrajk jew jimita l-alfabet ta' xi kittieb ieħor. Imbagħad, fl-ewwel snin tas-seklu għoxrin (1920-1934) , qamet il-kontroversja lingwistika llum magħrufa bħala l-Language Question. It-Taljan dak iż-żmien kien meqjus mill-klassi l-għolja bħala l-ilsien tal-kultura waqt li l-Malti kienu jħarsu lejh bħala l-ilsien tal-kċina. [silta mill-artiklu] 2004-01-01T00:00:00Z https://www.um.edu.mt/library/oar/handle/123456789/106627 Title: It-tipoloġija tal-kunjomijiet Maltin Authors: Cassar, Mario Abstract: Kunsiderazzjonijiet preliminari: L-istudju tal-kunjomijiet hu wieħed mill-oqsma ta' l-antroponimija li tinkludi wkoll l-istudju kontigwu ta' l-ismijiet persunali u l-laqmijiet. B'kunjom nifhmu isem ereditarju miġjub minn membri ta' l-istess familja, mgħoddi minn ġenerazzjoni għal oħra b'saħħa legali. Tiskanta kemm il-kunjomijiet Ewropej huma omoġenji. Tbarri xi ftit eċċezzjonijiet 'l hawn u 'l hemm, il-komunitajiet Ewropej għandhom wirt storiku, strutturi soċjali, u normi kulturali tassew simili. F'ħafna nħawi tal-kontinent, l-aktar fil-punent, il-kunjomijiet ereditarji bdew jieħdu s-saħħa li għandhom illum bejn wieħed u ieħor fl-istess żmien, jiġifieri mis-seklu XII 'il quddiem. [Silta mill-artiklu] 2004-01-01T00:00:00Z