https://www.um.edu.mt/library/oar/handle/123456789/42859 2026-04-23T05:39:20Z https://www.um.edu.mt/library/oar/handle/123456789/42917 Title: Il-Hanfus tal-Qrun Twil Abstract: Il-familja tal-ħanfus magħruf bħala tal-Qrun Twil hija waħda mill-familji mdaqqsa tal-ħanfus. Insibu aktar minn 35,000 speċi differenti mxerrdin mad-dinja kollha, l-aktar fir-reġjun tropikali, fejn numru mhux ħażin għadhom jinstabu f'dak li fadal mill-foresti tropikali. Madanakollu, fil-gżejjer Maltin din il-familja hija ferm fqira fin-numru ta' speċi. Hawn bilkemm tlaħħaq tletin tip differenti, meta nafu li fi Sqallija biss jeżistu iżjed minn mitt speċi. Ir-raġuni l-għala għandna numru hekk żgħir hija minħabba n-nuqqas ta' siġar jew injam ieħor li dawn l-insetti jinħtieġu biex joktru. 1992-01-01T00:00:00Z https://www.um.edu.mt/library/oar/handle/123456789/42916 Title: Alfredo Caruana Gatto (1868-1926) Abstract: Alfredo Caruana Gatto, bin il-Konti Dott. Antonio Caruana u n-nobbli Sinjura Vinċenza Formosa Montalto, twieled fit-3 ta' Settembru 1868, fil-Belt Valletta, u ġie mgħammed fil-Knisja ta' San Duminku. Ta' eta’ żgħira kien diġa’ wera interess fil-friefet u l-ħxejjex, u dan wasslu biex jibda l-kors tal-Mediċina. Iżda billi ma tantx kellu kuraġġ meta kien jara d-demm, fit-tieni sena qaleb għall-kors ta' l-Arti. Ta' 21 sena ha l-baċellerat ta' l-Arti. Fit-2 ta' Awwissu 1892, ta' 24 sena, laħaq avukat. 1992-01-01T00:00:00Z https://www.um.edu.mt/library/oar/handle/123456789/42915 Title: Il-Bagħal ta’ l-Għolliq Abstract: Mawra sal-Buskett u wasla sa Wied il-Luq speċjalment fir-Rebbiegħa, żgur ilaqqgħuna ma' għanja qawwija iżda qasira ġejja minn qalb il-qasab jew l- għolliq li hemm fl-istess wied. Din l- għanja hija l-għanja karatteristika ta' għasfur ċkejken imsejjaħ il-Bagħal ta' l-Għolliq li jkun qiegħed jgħasses it-territorju tiegħu. Il-Bagħal ta' l-Għolliq huwa wieħed mill-ftit għasafar li jbejtu fil-gżejjer Maltin u li nsibuh magħna s-sena kollha. Dan l-għasfur m' huwiex komuni, bħall-Bagħal ta' l-Imrewħa jew bħall-Bufula s-Sewda, iżda xi ftit pari għadna nsibuhom f'postijiet fejn il-veġetazzjoni hija xi ftit folta, l-aktar fil-widien fejn jikber l-għolliq u l-qasab. Huwa minħabba f 'hekk li dan l- għasfur jissejjaħ Bagħal ta' l-Għolliq. 1992-01-01T00:00:00Z https://www.um.edu.mt/library/oar/handle/123456789/42914 Title: Il-Qerd in-Nahal Abstract: Fost l-erba' speċi ta' qerd in-naħal li jinstabu madwar id-dinja, dak ta' l- Ewropa huwa l-aktar wieħed magħruf f 'pajjiżna. Dan ilaħħaq tul ta' 28 ċm inklużi l-par rixiet twal f'nofs denbu. Huwa jiżen madwar 55 gramm u għalhekk huwa wieħed mill-akbar fost l-ispeċi ta' qerd in-naħal. F'ċirkostanzi normali, il-qerd in-naħal huwa għasfur x' aktarx fidil u li jippermettilek tosservah mill-qrib. Għalkemm huwa għasfur kulurit, l-ilwien sbieħ tiegħu jispikkaw l-aktar meta jkun wieqaf fuq xi zokk ta' siġra jew fuq il-wajers ta' l-elettriku, minn fejn jittajjar għall-insetti. 1992-01-01T00:00:00Z