Fuq l-għetiebi tal-Konċilju Vatikan II, il-Knisja tas-Sittinijiet f’Malta : ħsibijiet Monsinjur Joe Carabott

Abstract

Dwar Monsinjur Carabott nistħajjel li mal-korsa tażżmien il-kitbiet dwaru mhux se jonqsu fejn se tkun tista’ ssir evalwazzjoni iktar dettaljata tal-parrokat tiegħu fil-Mosta u forsi fi bnadi oħra. Dan l-artiklu għalhekk mhux se jiżvolġi apprezzament jew profil ta’ Carabott imma hu msejjes fuq intervista li kien tani l-istess Dun Joe Carabott dwar il-Knisja Maltija tas-snin sittin. L-artiklu se jbexxaq tieqa dwar kif Monsinjur Carabott għex is-snin sittin u x’kienu l-veduti tiegħu tal-epoka. Hu kien għadu qassis novell imma millewwel ingħata kariga ta’ importanza. Dan kien perjodu meta l-kappillan kellu rwol ewlieni fissoċjetà Maltija u ħafna kienu jagħrfu l-importanza tiegħu anki jekk matul issnin sittin din id-dipendenza fuqu tibda tixxaqqaq grazzi għal diversi fatturi fosthom iktar edukazzjoni, iktar libertà fl-imħuħ u fl-istili ta’ għajxien u anki minħabba kontroversji politiċi-reliġjużi tal-perjodu.6 Interessanti li l-Arċisqof Gonzi għal Wied il-Għajn, parroċċa pjuttost żagħżugħa, jagħżel kappillan żagħżugħ. Dun Joe kien għadu lanqas biss għalaq it-28 sena tiegħu. Hawnhekk ma ninsewx li kien ukoll żmien il- Konċilju Vatikan II li ġab riformi kbar fil-Knisja Kattolika Rumana, li anki l-Knisja Maltija wettqet minkejja l-età kbira tar-Ragħaj tagħha.