Innijiet ad unur San Gejtanu : Innu Popolari lil San Gejtanu Tiene (Xerrdu l-Ferħ)

Abstract

Fost il-ħafna innijiet kbar u żgħar li jindaqqu matul il-ġimgħa tal-festa titulari ta’ San Gejtanu ġewwa l-Ħamrun insibu l-Innu Popolari lil San Gejtanu Tiene, mużika ta’ Mro. Anton Muscat Azzopardi (1903-1979) u versi ta’ Dun Frans Camilleri (1919-1990). Dan l-innu, komunement magħruf bħala ‘Xerrdu l-ferħ’ - liema titlu ttieħed proprju mill-mod ta’ kif jibda l-ewwel vers, ‘Xerrdu l-ferħ minn qlubkom hienja’ - inkiteb fl-1947. Din hi data storika għax fi kliem Joseph Mifsud Matrenza, “il-parroċċa ta’ San Gejtanu ċċelebrat b’tant entużjażmu u kobor ir-raba’ ċentinarju tal-mewt ta’ San Gejtanu fejn il-poplu Ħamruniż seta’ jgawdi ħafna ferħ reliġjuż u soċjali għal ġimgħa sħiħa.”