Innu lil Gesu Salvatur ta’ Mro. Antonio Miruzzi: it-tieni parti

Abstract

Fil-ħarġa tal-ktieb tal-festa tas-sena l-oħra kont introduċejtkom mal-ewwel parti tal-artiklu li jitratta fuq l-Innu solenni Ġesù Salvatur ta’ Mro. Antonio Miruzzi. L-artiklu kien maqsum prinċipalment f’żewġ taqsimiet u li fih konna tkellimna fuq it-Trasfigurazzjoni tas-Salvatur skont l-Evanġelju ta’ San Mattew, u l-arja li fiha jkanta t-Tenur. Kif wgħedkom ukoll, fl-artiklu ta’ din is-sena ser inkun qed nikteb fuq din il-ġrajja kbira skont kif rakkuntata fl-Evanġelju ta’ San Mark. F’dik li silta mużikali mbagħad, ser inkun qed nitkellem fuq id-Dwett sempliċi, imma ħelu, bejn it-Tenur u l-Baxx. Biex wieħed ikollu stampa aktar ċara ta’ kif inhu mqassam mużikalment l-Innu l-Kbir, nissuġġerixxi lill-qarrej biex jirreferi ruħu għall-artiklu tiegħi bit-titlu ta’ Ġawhar mużikali li ndaqqu mill-Banda Pio X fil-festa fil-ktieb tal-festa 2014. Fih għandkom issibu dak kollu li għandu x’jaqsam mal-varji taqsimiet li minnhom hu minsuġ wieħed mill-kapolavuri li ħarġu mill-pinna ta’ Miruzzi.