Innu lil Gesu Salvatur

Abstract

Innu di Gloria, komunement magħruf bħala l-Innu ta’ Tifħir jew l-Innu il-Kbir, jagħmel sehem mill-ġeneru ta’ kantata – kompożizzjoni vokali pjuttost twila għal vuċijiet solisti, aktarx maskili bħal ngħidu aħna, Tenur jew Baritonu u Baxx, kor, li ħafna drabi kien ikun tat-tfal, u strumenti, naturalment tal-banda. Dan kien ikun l-aqwa rigal li Surmast qatt seta’ jagħti lill-banda tiegħu peress li fih il-kreazzjoni lehmiena kienet tkun fl-aqwa u l-ogħla livelli tagħha. Huwa minħabba f’hekk li, l-innijiet di Gloria li ħarġu mill-pinna tas-Surmast Antonio Miruzzo (1867-1944) huma bil-wisq imfittxijin u merfugħin b’għożża kbira fl-arkivji ta’ dawk il-baned fejn huwa kien iħabbat. Fost dawn l-innijiet il-kbar insibu l-Innu lil Ġesù Salvatur li hu kien kiteb għall-Banda San Piju X ta’ Ħal Lija, liema banda dam magħha għal għoxrin sena sħaħ bejn is-snin 1906 u 1926.