Innu lil Gesu Salvatur ta’ Mro. Antonio Miruzzi: it-tielet parti

Abstract

Fil-ħarġa tal-ktieb tal-festa tas-sena l-oħra kont laqqajtkom mat-tieni parti tal-artiklu li jitratta fuq l-Innu Solenni ‘Ġesù Salvatur’ ta’ Mro. Antonio Miruzzi. L-artiklu kien maqsum prinċipalment f’żewġ taqsimiet u li fih konna tkellimna fuq it-Trasfigurazzjoni tas-Salvatur skont kif irrakkuntata fl-Evanġelju ta’ San Marku. Bħala silta mużikali mbagħad, ħadna d-dwett bejn Tenur u Baxx bħala eżempju mill-isbaħ ta’ dan l-innu. Din is-sena ser inħalli f’idejn l-Evanġelista San Luqa biex fi kliemu jirrakkuntalna din il-ġrajja. Min-naħa tiegħi ser nitkellem fuq waħda mill-isbaħ arji mill-pinna ta’ Miruzzi li din is-sena jaħbat għeluq il-150 sena mit-twelid ta’ dan il-kompożitur prolifiku.