L-orgni maestuz ta’ Bormla : Ghalaq 150 sena

Abstract

Fl-arkivju tan-nutara ġewwa l-Belt, fost il-ħafna kuntratti li

wieħed isib, hemm dak dwar il- bini tal-orgni preżenti li jżejjen il- Kolleġġjata ta’ Bormla. Il-kuntratt

tal-ħlas għal bini ta’ dan l-orgni maestuż sar 150 sena ilu għand in-nutar Salvatore Scifo. In-nutar Scifo kien wieħed mill-aktar nutara nfittxija f’dik il-ħabta ġewwa Bormla. Hu kien joqgħod fi Triq San Pawl, numbru 116. Il-kuntratti li kellhom x’jaqsmu mal-Kolleġġjata kienu jsiru għandu. Il-kanoniċi ta’ Bormla kienu jmorru għandu biex jagħmlu l-kuntratti tagħhom favur għotjiet ġenerużi lill-knisja tal-Immakulata li kienet tant għal qalbhom. Għalhekk ma setax jonqos, li meta ġew biex jagħmlu orgni ġdid, huma marru għand dan in-nutar biex jorbtu lill-persuna magħżula biex tibni dan l-organi, b’termini speċifiċi. Huma riedu orgni li jagħmel ġieħ lil Bormla u lil Malta.