Analizi ortografika, lessikali u grammatikali fil-kuntest tat-traduzzjoni

Abstract

Din it-teżina tanalizza fil-qofol tagħha l-iżbalji ortografiċi, żbalji fit-tifsir tal-kliem u żbalji grammatikali li saru mill-istudenti fit-traduzzjoni fl-eżami tal-Matrikola tal-Malti fil-livell Avvanzat. Ittieħdu żewġ sessjonijiet tal-eżami u ġew analizzati żewġ testi qosra li kellhom ikunu tradotti mill-Ingliż għall-Malti. Peress li l-analiżi tiffoka fuq il-kuntest tat-traduzzjoni, parti minn dan ix-xogħol ser iħares ukoll lejn l-aspetti bażiċi marbuta ma’ din is-sengħa partikolari, bħal ngħidu aħna, l-għan tat-traduttur, il-prinċipji li jrid jimxi fuqhom it-traduttur u l-kwalitajiet li jagħmlu traduzzjoni tajba.