Mro. Antonio Miruzzi (1867-1944) : mija u hamsin sena minn twelidu

Abstract

M’hawnx banda waħda f’Malta u Għawdex li xi darba jew oħra ma daqqitx xi marċ funebri minn ta’ Mro. Antonio Miruzzi. Lanqas m’hawn bandist wieħed li qatt ma daqq xi innu, kbir jew żgħir, minn tiegħu mal-banda tal-post jew xi banda oħra. Xi baned fosthom, ‘La Valette’ (Valletta), ‘Leone’ (Victoria, Għawdex), ‘La Vincitrice’ (Isla), ‘San Ġorġ’ (Bormla), Nicolò Isouard (Mosta), Sta. Marija (Mosta), ‘I Cavalieri di Malta’ (Sliema), ‘San Ġużepp’ (Ħamrun),’San Piju X’ (Lija), ‘Sant’ Andrija’ (Ħal Luqa), u ‘Beland’ (Żejtun), saħansitra kellhom ix-xorti li jiksbu s-servizz professjonali tiegħu f’xi żmien bejn l-aħħar deċennju tas-seklu dsatax u l-bidu tat-tletinijiet tas-seklu li għadda. Għaladqastant, qed nikteb dan l-artiklu proprju biex infakkar il-150 sena mit-twelid ta’ dal-kompożitur prolifiku Malti li ta ħajtu kollha għall-mużika.