Id-9 ta' April 1942 : 75 anniversarju minn jum ta' kefrija, herba u fidi fl-Imqabba

Abstract

Lejn l-aħħar tas-snin tletin tas-Seklu Għoxrin l-Ewropa intlaqtet minn konflitti kbar li wasslu għal telfien ta’ ħajja, tiġrif ta’ propjetà u bidla mill-qiegħ f’dik li hi struttura ġeo-politika internazzjonali. Malta mhux talli ma kienitx salvata minn dan kollhu, anzi pjuttost kienet fil-qalba u milquta fil-laħam ilħaj. L-aktar żoni milquta f’pajjiżna kienu dawk tad-dawra tal-port u dawk li bħal l-Imqabba kienu jmissu ma ajrudrom. Nistgħu ngħidu li l-Imqabbin għaddew martirju sħiħ matul it-Tieni Gwerra Dinjina, bid-9 ta’ April 1942 jkun il-qofol tal-kefrija, ħerba u mwiet... iżda wkoll kien jum ta’ fidi. Dan l-artiklu hu omaġġ għal dawn l-Imqabbin. Hu tifkira ta’ 75 sena ta’ storja. Hu ukoll memorja ta’ storja oħra kerha fil-ħajja tal-Fratellanza tal-Immakulata Kunċizzjoni u tal-festa tal-Madonna tal-Ġilju. Ejja naraw flimkien it-tħejjijiet, l-avvenimenti, t-tbatijiet u l-konsegwenzi.