Il-preistorja

Abstract

Il-kitba ta' dan il-ktieb fuq l-arkeoloġija preistorika ta' Malta, bil-Malti, ma kinitx faċli għalija, u ħaditli ħafna żmien biex lestejtha. Iżda llum inħares lura b'sodisfazzjon kbir u niżżiħajr lill-editur, is-Sur Michael J. Schiavone l-ewwelnett ta' l-opra monumentali li qiegħed jibni b'din is-sensiela, u t-tieni tal-fiduċja li wera fija meta stedinni biex nikteb fuq dan is-suġġett. Dħalt għal din il-biċċa xogħol biex nuri apprezzament lil Michael għall-ħidma tiegħu, iżda wkoll għaliex ħassejt li kien dejn li kelli nagħti lil pajjiżi bħala Malti, dejn li ħassejt li kelli lill-poplu Malti, bħala arkeoloġija. Dan huwa fuq kollox xogħol ta' divulgazzjoni, biex dan is-suġġett jintlaħaq minn dawk li għal xi raġuni jew oħra ma jaslux biex jaqraw b'ilsien barrani. Għalhekk għamilt mill-aħjar biex il-kitba nżommha sempliċi kemm jista' jkun. Dan ħoloqli diffikultajiet mhux żgħar għaliex m'iniex imdorri nikteb bil-Malti. Sa minn meta waqqaft l-istudju tiegħi tal-Malti, wara t-tieni sena tiegħi fi-Universita' ta' Malta, tista' tgħid li ma ktibt xejn iżjed bil-Malti. L-uniċi eċċezzjonijiet huma xi artiklu żgħir u, dan l-aħħar, sfurzajt ruħi biex, bħala President Eżekuttiv ta' Din L-Art Ħelwa, nikteb l-indirizz ta' kull ħarġa ta' Viglio, l- organu ta' din is-soċjeta għall-ħarsien tal-wirt nazzjonali, bil-Malti. [ Silta meħuda minn: Kelmtejn ta' Qabel, miktuba mill-Awtur ]