Il-Kristofru Colombo tal-katakombi

Abstract

F'dan l-artiklu l-awtur jitkellem fuq Antonio Bosio, bin Giovanni Ottone, li jingħad li twieled iI-Birgu, fl-1575. Bil-ħsieb li jqabbduh il-karriera ta' zijuh Giacomo Bosio (Ambaxxatur tal-Ordni f'Ruma) missieru bagħtu jistudja ħdejh f'Ruma meta kien ghadu tfajjel ta' 12-il sena. Hemmhekk hu studja letteratura, filosofija, teoloġija u liġi civili u kanonika fii-Kulleġġ "Sapienza", fejn ġie llawrjat meta kellu biss 18-il sena. Imma iżjed milli mal-karriera pubblika li xtaq missieru, Anton innamra mal-istudju tal-Arkeoloġija Nisranija. F'dak ix-xoghol ta' 35 sena, Bosio ghamel sejbiet l-aktar kbar u ta' siwi u ghalhekk bir-raġun ġie msejjah "il-Kristofru Colombo ta' Ruma taħt l-art". Fost is-sejbet kbar, biżżejjed insemmu r-rikonjizzjoni tal- fdal ta' Santa Ceċilja fil-Bażilika tagħha fi Trastevere (Ruma) u tal-4 Koronati fuq il-Monte Celju. Is-sejbiet, l-istudji, u l- konklużjonijiet tieghu huwa ġabarhom fi ktieb manoskritt ta' 2,060 folja mill-kbarnett, u kiteb ukoll indici ta' 50 paġna ghalihom. Illum jinsabu fii-Biblijoteka Valiċelljana f 'Ruma.