Id-devozzjoni antika lejn il-grotta ta' San Pawl.

Abstract

F'dan l-artiklu l-awtur jikteb dwar id-devozzjoni li gawdiet il-grotta ta' San Pawl tul iż-żmien. Din kienet meqjuma bħala l-ewwel knisja f'Malta u il-qima lejha xterdet anke ma' l-Ewropa, fil-fatt kien hemm numru ta' nobbili li kienu jaġħżlu li jiġu jqattgħu l-aħħar jiem ta' ħajjithom qrib il-grotta biex meta jmutu jiġu mitfuna fuq iz-zuntier li kien iservi bħala ċimiterju. Ħafna pellegrini li kienu jżuru l-art imqaddsa kienu jaġħżlu li jiġu Malta ukoll biex iqimu il-grotta ta' San Pawl. Tul is-snin ħafna papiet taw indulgenzi kbar għal min iżur il-grotta. L-awtur isemmi ukoll li għalkemm il-grotta żaruha ħafna pellegrini u nqata' ħafna ġebel minnha li kienu joħduh bħala oġett ta' devozzjoni id-daqs tagħha baqa dejjem l-istess. Jinghad ukoll li l-ġebel tagħha jekk jitfarrak u jinxtorob mal-ilma ghandu setgħa kontra l-annimali velenużi.