Soċjeta Filarmonika Nicolo Isouard mixja matul is-snin

Abstract

Kull poplu, kbir jew zgħir, għandu l-istorja tiegħu. Ikollu dawk il-ġrajjiet partikulari li jagħmlu l-istorja tiegħu unika u differenti minn dik ta' popli oħra. Il-poplu tal-Mosta sawwar l-istorja tiegħu b'rabta speċjali mal-knisja monumentali li bena f’ċirkostanzi diffiċli. Dan jgħodd aktar u aktar għall-Mostin ta' mija u ħamsin sena ilu. Ta' kuljum kienu jaraw il-ħolma tagħhom issir realta. Kienu jaraw il-knisja tagħhom, u tagħna, tieħu l-għamla tagħha u togħla 'l fuq, ġebla ħdejn ġebla, filata fuq filata. Damet sebgħa u għoxrin sena biex inbniet. Tlestiet fil-bidu ta' l-1860. Wara li tlesta l-bini tal-knisja hasbu biex izejnuha u dlonk nibtet ix-xewqa lijkabbru l-festa ta' l-Assunta. Kien fl-1868 meta zzanznet 1-istatwa ta' Santa Marija, imnaqqxa fl-injam minn Salvu Dimech, maghruf bhala "Is-Sarċ". Sas-sena ta' qabel l-istatwa tal-Madonna tar-Ruzarju kienet tintuza għall-purċissjoni ta' Santa Marija. Sena wara l-Mostin ħasbu biex iwaqqfu banda. Nafu li sa mis-sena 1780 ġa kien ikun hemm id-daqqaqa li kienu jieħdu sehem fil-purċissjoni ta' Santa Marija tal-Mosta. Għalhekk ix-xewqa li jkun hemm banda biex tkabbar il-festa setgħet ġiet b'mod l-aktar naturali matul il-medda tas-snin.