Please use this identifier to cite or link to this item:
https://www.um.edu.mt/library/oar/handle/123456789/50269
Title: | From Islam to Christianity : the case of Sicily |
Other Titles: | Religion, ritual and mythology : aspects of identity formation in Europe |
Authors: | Dalli, Charles |
Keywords: | Arabs -- Malta -- History Sicily (Italy) -- History Islam -- History Normans -- Italy -- Sicily -- History -- To 1500 |
Issue Date: | 2006 |
Publisher: | Edizioni Plus |
Citation: | Dalli, C. (2006). From Islam to Christianity : the case of Sicily. In J. Carvalho (Ed.), Religion, ritual and mythology : aspects of identity formation in Europe (pp. 151-169). Pisa: Edizioni Plus. |
Abstract: | L-istorja ta’ Sqallija mis-seklu disgħa sas-seklu tnax intisġet madwar sensiela ta’ ġrajjiet li bidlulha darba għal dejjem il-karattru tagħha. Sakemm ħakmu l-gżira minn idejn il-Biżantini, l-Għarab damu mis-sena 827 sas-sena 902. Il-kontroll ta’ l-ikbar gżira Mediterranja tahom is-setgħa li jikkolonizzawha, u dan wassal sabiex l-ilsien, it-twemmin u l-kultura tad-dinja Għarbija rabbew l-għeruq bis-saħħa tal-klassi ġdida mexxejja u ta’ parti mdaqqsa mill-popolazzjoni li waslet hekk kif il-gżira saret parti minn Dar l-Islam. Madankollu, fi Sqallija tas-seklu ħdax kien għadhom jgħixu eluf ta’ nsara Griegi, kif ukoll għadd imdaqqas ta’ Lhud. Il-ħakma Normanna ta’ Sqallija ġabet magħha bidla kbira fil-ġerarkija politika u soċjali tal-pajjiż. Minn tmiem is-seklu ħdax il-gżira ssieħbet ma’ l-Ewropa Latina, u dan nissel tibdil mill-qiegħ fl-istrutturi tal-ħajja u fl-identitajiet individwali u kollettivi ta’ saffi differenti. Fis-seklu tnax Sqallija kellha sehem ewlieni fit-tfassil tas-Saltna Normanna, u l-belt ewlenija tagħha, Palermo, nbidlet minn metropoli Gharbija f ’belt kapitali rjali. Dan l-istudju qasir jifli l-iżviluppi li seħħew taħt in-Normanni, u jingħaqad ma’ storiċi ta’ żmienna li leħħnu dubji dwar il-kwadru pożittiv ta’ tolleranza reliġ juża u etnika fl-istorjografija tradizzjonali ta’ Sqallija minn Ruġġieru II sa Federiku II. Minflok, qegħdin joħorġu iżjed ċari t-tensjonijiet u l-firdiet bejn komunitajiet differenti Sqallin skond twemmin reliġ już u nisel etniku. Sa nofs is-seklu tlettax, il-popolazzjoni Musulmana ta’ Sqallija kienet għebet għal kollox, bl-aħħar ftit eluf itturufnati fil-belt ta’ Lucera; fil-waqt li l-kultura nisranija Griega ġiet imwarrba, u l-Għarbi baqa’ mitkellem biss mill-minoranza Lhudija, flimkien man-nies ta’ Malta, Għawdex u Pantellerija. L-iSqalli ta’ tmiem is-seklu tlettax ftit li xejn kellu x’jaqsam ma’ l-imgħoddi Għarbi tal-gżira, bħallikieku l-istorja ta’ Sqallija bdiet fl-1091. |
URI: | https://www.um.edu.mt/library/oar/handle/123456789/50269 |
ISBN: | 88-8492-404-9 |
Appears in Collections: | Scholarly Works - FacArtHis |
Files in This Item:
File | Description | Size | Format | |
---|---|---|---|---|
From_Islam_to_Christianity.pdf Restricted Access | 178.19 kB | Adobe PDF | View/Open Request a copy |
Items in OAR@UM are protected by copyright, with all rights reserved, unless otherwise indicated.