L-ilsien Malti

Abstract

Il-bniedem igħid eluf ta' klIem kull jum imma l-inqas ħsieb li jiġih f'moħħu hu li qatt ma kien jasal biex ifisser ruħu, u jfiehem kullma jħoss, li kieku ma kellux il-kelma taqdih. U ħsieb ieħor li anqas ma jiġih f'rasu hu kif tnisslet u mnejn bdiet il-kelma bħala ħoss marbut ma' sens, magħruf minn dak li jkun jisma'. Kieku dak li jkun jaħseb sewwa fuq ir-rabta kbira bejn il-kelma u l-ħsieb, malajr jifhem li l-kel~a mhix ħlief l-għodda tal-moħħ; jiġifieri, fi kliem ieħor, jifhem li, l-kelma hija mezz li taqdi l-bniedem u l-bnedmin kollha li jingħaqdu bejniethom f'soċjeta jew nazzjon biex jistgħu jiftiehmu ma' xulxin. It-tieni ħsieb kif u meta tnisslet il-kelma jiftħilna quddiem moħħna dehriet kbar ta' nies li għexu qabilna, ta' nies imbiegħda li l-Istorja ma taf xejn fuqhom u li bħalna kienu jinqdew bil-kelma biex ifissru dak li jħossu n dak li jifhmu.