Gesu' Kristu fis-Salmi

Abstract

Il-kelma ‘salm’ ġejja mill- Grieg psalmos li tittraduċi l-kelma Ebrajka mizmor li tfisser daqq jew għana biddaqq. Fl-Ebrajk għandna kelma oħra li hija tehillim li tfisser ‘tifħir’. Il-kelma Griega psallo tfisser ‘iddoqq strument tal-kordi’. Il-Ktieb tas-Salmi jiġbor fih 150 salm li nkitbu fuq medda ta’ elf sena mibdija mis-Sultan David. Huma mqassmin f ’ħames kotba mibnija fuq il-ħames kotba tal- Pentatewku: 1-41; 42-72; 73-89; 90-106; 107-150. Hemm salmi ta’ tifħir, salmi ta’ talb, salmi ta’ radd il-ħajr, salmi regali - irjali, salmi sapjenzjali, u salmi profetiċi u liturġiċi. Hemm is-salmi ta’ Jahweh, salmi levitiċi, salmi ta’ Asaf, ta’ ulied Qorah, ta’ Heman, ta’ Etan, salmi tas-Saltna, salmi tal-fidi, is-salmi Allelujatiċi li jibdew bil-kelma Ebrajka alleluia, hemm il-Hallel paskwali, il-Hallel il-Kbir u dak żgħir u s-salmi tat- Telgħat lejn Ġerusalemm. Skont 11 QPs il-materjal marbut mas-Salmi jista’ jkun ferm wiesa’, fejn ilkompożizzonijiet ta’ David jgħoddu ma’ erba t’elef! Huma fuq kollox jirriflettu l-ġmiel u s-seħer tal-poeżija Ebrajka. (ara d-dokument tal-Kummissjoni Biblika Pontifiċja: De auctoribus et de tempero compositionis Psalmorum, autori e tempo di composizione dei Salmi tal-1 ta’ Mejju 1910).