Il--Viċendarju Dun Karm Caruana (1883-1956) : fl-okkażjoni tal-50 anniversarju minn mewtu

Abstract

Fil-15 ta' Jannar 2006 jaħbat il-ħamsin anniversarju mill-mewt ta' l-aħħar Viċendarju tal-Għasri , Dun Karm Caruana. Dwar dan il-persunġġ illustri u wieħed mill-aktar importanti fl-istorja ekkleżjastika u ċivili tar-raħal tagħna ġa ktibna drabi oħra. Għalhekk, għal din l-okkażjoni, wara li kkunsultajna rwieħna ħafna, iddeċidejna li nippubblikaw b'mod sħiħ, għall-ewwel darba, u b'mod esklussiv, il-kontenut ta' skritt li fih Dun Karm kien jirreġistra xi stqarrijiet straordinarji li kienu jafdaw miegħu xi erwieħ twajba. L-ewwel reġistrazzjoni ġġib id-data tat-2 ta' Frar, 1913, u aħħar, tal-20 ta' Awissu, 1915 - allura żmien li fih Dun Karm Caruana kien iservi l-Għasri fl-aħjar. Dal-fatt biss, ukoll li kieku kellu jkun l-uniku, jirrendi l-kontenut, u l-manuskritt fih innifsu, f'wieħed ta' valur intriniku u storiku.