Il-vari proċessjonali ta' Mariano Girada u l-vara ta' Santa Liena : studju komparattiv

Abstract

L-istorja tal-arti tpoġġielna quddiemna bosta eżempji ta' artisti rinomati li bdew il-karriera artistika tagħhom wara li jkunu trawwmu ġo ħanut tax-xogħol jew bottega ta' xi artist prominenti ieħor. Fost dawn, wieħed jista' jsemmi lil Leonardo da Vinci li tħarreġ taħt il-pittur u skultur Andrea del Verrocchio, Raffaello li kellu apprendistat taħt Pietro Perugino, Mikelanġelo li studja taħt Domenico Ghirlandaio,. Caravaggio li ħa t-tagħlim artistiku bażiku tiegħu mingħand Simone Peterzano u Tiziano li tħarreġ taħt il-pittur Giovanni Bellini. L-eżistenza ta' dawn il-ħwienet tax-xogħol serviet sabiex mhux biss ikunu l-post fejn l-imgħallem u s-sid tal-bottega jaħdem il-kummissjonijiet li jkollu bi-għajnuna tal-istudenti u l-apprendisti tiegħu, iżda servew ukoll ta' skola fejn iż-żgħażagħ li jattendu fihom jitgħallmu r-regoli, t-teknika, l-istil u d-dixxiplina fi-arti partikolari li tkun għal qalbhom.