Nabi Samwil

Abstract

Nabi Samwil (Nebi Samuil) hu post qaddis ghal-Lhud, Insara u Musulmani, li jinsab fuq il-quccata ta’ gholja (890 metru), xi 5 kilometri lejn ix-xaqliba tat-Tramuntana ta’ Gerusalemm, fejn jinsab ic-cenotafju tifkira tal-Profeta Samwel. Din hi l-oghla quccata madwar Gerusalemm, u l-Krucjati kienu jsejhulha Mons Gaudii, il-muntanja tal-ferh, ghax minn fuqha kienu jilmhu ghall-ewwel darba l-belt il-qaddisa ta’ Gerusalemm. Minn fuq din l-gholja tidher il-belt Palestinjana ta’ Ramallah, u l-irhula vicini ta’ Beit Iksa, al-Jib, Beit Hanina u Biddu. Il-pozizzjoni strategika ta’ l-gholja, li kienet tiddomina t-toroq li minn Gerusalemm kienu jinzlu lejn il-kosta tal-Mediterran, kif ukoll it-toroq li kienu jaghtu lejn is-Samarija, fuq ix-xaqliba tat-tramuntana, taghmel minn Nabi Samwil sit arkeologiku ta’ importanza kbira fl-istorja religjuza u politika tal-poplu Lhudi. Illum il-gurnata ghadha tidher il-moskea bil-minaret li jiddomina l-gholja, u li tahtha hu vvenerat il-qabar tal-Profeta Samwel.