Innu 'l Madonna tal-Gilju

Abstract

Fil-ktieb tal-festa tas-sena l-oħra kont introduċejtkom mal-‘Innu ’l-Madonna tal-Ġilju’, versi ta’ Dun Frans Camilleri (1919-1990) u mużika ta’ Mro Joseph Darmanin (1918-2006). Dan xtaqt nagħmlu peress li s-sena l-oħra inzerta anniversarju doppju: 100 sena mit-twelid ta’ Darmanin, u 20 sena mill-iffirmar tal-partitura l-ġdida tal-istess innu mill-kompożitur innifsu. Dis-sena wkoll, l-innu jagħlaq 70 sena minn mindu nkiteb f’Settembru tal-1949. Għaldaqstant, dis-sena se nkompli niddiskutu fid-dettal it-tielet u l-aħħar moviment, it-tema prinċipali li titkanta mill-kor tat-tfal, fuq motiv partikolari li nsibuh fih, li jien għammidtu bħala ‘Lilek nagħtu ġieħ flimkien’, kif ukoll fuq il-qniepen li tant huma meħtieġa u effettivi f’xogħol bħalm’hu dan li hu tant għal qalb l-Imqabbin.