Innijiet għall-mużika ta’ Dun Anton Xiberras

Abstract

Fil-ktieb tal-festa tas-sena l-oħra kont kellimtkom fuq żewġ innijiet ta’ Dun Anton Xiberras (DAX): Lilek Omm Alla (Angelus) (1953), fuq mużika diġà teżisti ta’ Don Andrea Angelo Castelli (1876-1970); l-Innu ta’ Sant’Antnin ta’ Padwa (1954), Protettur taċ-Ċirkolu tal-Ġuvintur tal-Azzjoni Kattolika ta’ San Ġiljan, immużikat minn Mons. Guido Calleja (1928-2018). Dal-innijiet kont tkellimt dwarhom waqt waħda minn żewġ taħditiet li għamilt fl-2018 fis-sala tal-anness tal-knisja parrokkjali, u li kienu organizzati mill-‘Għaqda Wirt Kulturali Naxxari’. Għal dis-sena wkoll, qed nippreżentalkom żewġ innijiet oħra mill-pinna ta’ DAX: Għanja għat-tfal taċ-Ċirklu S. Lwiġi tan-Naxxar (1947), b’mużika ta’ Mons. Karm Scerri (1905-81), u l-Innu ’l-Madonna tal-Ġebla (1951), immużikat minn Dun Edward Corrado.