Għajnuna għal għażla tal-karriera għat-tfal li għalqu t-tlettax-il sena

Abstract

Jekk ix-xogħol huwa neċessarju) huwa ukoll importanti li ma nħarsux 1ejh bħala piż jew bħala imposizzjoni; biex ix-xogħol jagħti l-frott tiegħu kollu u biex ix-xogħol iżejjen ,il-ħaddiem hemm bżonn li jkun apprezzat u li jsir b'imħabba. Minn dan toħroġ l-importanza tal-għażla u n-neċessità illi jintgħażel xogħol li lejh wieħed iħossu iktar miġbud u li għalih iħossu l-aktar adattat. L-għażla tax-xogħol hija forsi l-aqwa għażla li wieħed jagħmel f'ħajtu u billi mhux dejjem, speċjalment meta wieħed ikun għadu żagħżugħ, ikun preparat biżżejjed biex jagħmel għaiżla bħal din, huwa utili li jieħu parir minn min jista' jagħtihulu. Dan il-ktielb jista' jgħin biex l·għażla tal-karriera tkun iżjed faċli u għalhekk nixtieq nirrikkmandah. Pariri oħra jistgħu jingħata:w bħal każijiet partikolari mill-Careers Guidance Officer tal-Ministeru tax-Xogħol, li hu l-awtur ta' dan il-ktieb, u mill-istaff tiegħu. Waqt li nifraħ lill-awtur jiena nixtieq illi jinkiseb ħafna ġid minn dawk li jaqrawh. {Kelmtejn mill-Onorevoli Dott. Vincent Tabone, M.D., (Oxon.), D.O.M.S. (Lond.), D .. M.J. (Lond.), F.R.C.S. (Edin.), Ministru Impiegi u Sigurtà}