Mro Antonio Darmanin

Abstract

Fl-artiklu tiegħi ta’ sentejn ilu (pp. 105-114) kont laqqajtkom mas-surmast Giuseppe Darmanin (1918 – 2006) fl-okkażjoni t’għeluq il-mitt sena minn twelidu fejn tajna ħarsa twila lejn ħajtu u ħidmietu, kif ukoll lejn ix-xogħlijiet bandistiċi tiegħu. Dis-sena wkoll, l-innu l-kbir tiegħu dedikat ’l-Madonna tal-Ġilju kompost apposta għall-Banda Ġiljana Mqabbija jagħlaq 70 sena minn mindu ndaqq għall-ewwel darba fl-20 ta’ Mejju 1950. Għal dis-sena ħsibt li jkun tassew xieraq jekk nitkellem fuq missieru Antonio peress li kien ukoll surmast tal-Banda Stella Maris bejn l-1929-38, u li dis-sena qegħdin proprju niċċelebraw għeluq il-50 sena minn mewtu. Fost ix-xogħlijiet tiegħu nsibu l-immortali innu-marċ popolari Lil Marija Santissima u l-Ulied ta’ Stella Maris; versi ta’ Mons. Rafel Capurro, Senglean.