Lucjan Pullicino - il-bniedem ta' kull stagun

Abstract

Fl-artiklu tas-sena l-oħra, ‘Luċjan Il-Kaċċatur’, li deher fil-ktieb tal-festa tas-Soċjetà Mużikali Spinola, pp. 77-87, konna tkellimna dwar xi delizzji u sports li kien iħobb jipprattika Luċjan Pullicino fil-ħin liberu tiegħu. Dis-sena wkoll, ser nitkellmu dwar aktar delizzji tiegħu, fosthom bħala statwarju ‘dilettant’ ta’ statwetti devozzjonali bix-xbieha ta’ San Ġiljan, id-Duluri, il-Qalb ta’ Ġesù, u r-Redentur, fost oħrajn. Kif se naraw, Luċjan kien iħobb ukoll ipitter kartelluni kbar għall-Azzjoni Kattolika, li tagħha kien membru attiv ħafna, u oħrajn artistiċi bħala riklam għall-produzzjonijiet li kien itella’ barra minn pajjiżu, fosthom id-Deporres Hall, Tas-Sliema, bil-Kumpanija Filodrammatika San Ġiljan. F’dal-artiklu ma jonqsux ukoll xi siltiet mill-poeżija tiegħu, ‘San Ġiljan, Inħobbok Ħafna!’ tal-2002. Dawn huma relatati mad-delizzji li se nitkellmu dwarhom, u li permezz tagħhom dal-artiklu jieħu sura dejjem aktar imlewna.