Il-festa tagħna

Abstract

Fil-festa ta' sewwasew 60 sena ilu kont għadni daqsxejn ta' tfajjel ta' 13-il sena, abbati fil-Knisja tagħna, niġġerra madwar l-istess knisja u l-Każin u l-inħawi tal-Parroċċa tal-Madonna tas-Sacro Cuor. Il-Festa ħabtet nhar it-23 ta' Ġunju 1939 u kienet l-aħħar waħda solenni qabel ma bdiet il-gwerra. Niftakar li fl-entużjażmu taż~żgħożija tiegħi kont sawwart daqsxejn ta ' Sunett bil-Malti dwar il-Knisja tagħna u l-opri kbar li kienu saru jew qed isiru dak iż-żmien. Xi wħud minn sħabi ikbar minni, wara li wrejtulhom, fettlilhom jistampawh għand Bonavia Litographers ta' Tigne biex jitqassam waqt il-Marċ tal-Banda tagħna. Hekk għamlu u hekk sar. Fil-Marċ tal-Ġimgħa , l- aħħar tat-Tridu tal-Festa, tellgħuni fuq l-ispallejn u qabbduni ntajjar dawn il-karti volanti bis-sunett tiegħi waqt li jien naqra strofa wara l-oħra minnu.