L-innu Ewkaristiku ta' Caruana

Abstract

Fil-ktieb tal-festa tas-sena l-oħra kont ktibt artiklu fuq l-‘Innu Popolari lil San Filippu D’Aġġira’, versi tal-Poeta Nazzjonali Malti, Mons. Dun Karm Psaila, immużikat minn Mro. Giuseppe Caruana. Għal dis-sena wkoll, ħsibt li nitkellem fuq innu ieħor li ħareġ mill-pinna rispettiva tagħhom, l-Innu Ewkaristiku, ‘Nadurawk ja Ħobż tas-Sema’, li ndaqq għall-ewwel darba waqt funzjoni reliġjuża nhar il-25 t’April, 1913, fl-okkażjoni tat-XXIV Kungress Ewkaristiku Internazzjonali li kien inżamm f’Malta. Minnu li nkiteb ħafna dwaru, iżda tagħrif analitiku dwar il-mużika tiegħu xejn. Għaldaqstant, dal-artiklu se jkun qed jagħti ħarsa ħafifa lejn dal-Innu mill-aspett mużikali b’tali mod li l-qarrej ikun jista’ jifhem u japprezza s-sbuħija tiegħu, speċjalment f’dik li hi melodija, kif kien jaf jinsiġha tant tajjeb Caruana.