It-tfittxija ghal Mikiel Anton Vassalli

Abstract

IL-GĦAN ta' dil-monografija huwa li jressaq quddiem il-qarrejja profil ta' dak li nafu dwar il-ħajja ta' Mikiel Anton Vassalli; li jintefa' dawl fuq l-aqwa waqtiet tal-ħsieb letterarju, soċjali, politiku w edukativ tiegħu fil-kuntest storiku ta' żmienu; u li jiġi valutat is-siwi tal-kontributi tiegħu fil-bosta oqsma li ħadem fihom fid-diversi iżmna ta'ħajtu. Dan l-istudju, mela, ma jfittixx li jitqies bħala bijografija sħiħa ta' Vassalli: fis-sew kif jixhed ismu, huwa tentativ għat-tfittxija ta' dawk l-aspetti ta' ħajtu li baqgħu neżlin sażmienna u jagħtu sura lill-personalita' tiegħu. Jiena naf li għad hemm ħafna battal fis-sensiela ta' ġrajjiet f'ħajjet Vassalli li jxekkilna fil-għan tagħna li nsawru dehra sħiħa u ċara ta' l-aspetti kollha tal-karattru tiegħu u tal-ġrajjiet ta'ħajtu. Jalla dit-tfittxija tħajjar oħrajn biex joħorġu fil-beraħ għejjun s'issa moħbija ta' dokumentazzjoni dwaru li jkunulna ta' għajnuna biex negħilbu s-skiet tiegħu nnifsu u b'hekk niksbu għarfien aktar profond tal-personalita' u l-evoluzzjoni ta' l-idejat u l-idejali tiegħu.