Siġġiewi album Nru. 16 : Is-Siġġiewi fi żmien il-Franċiżi

Abstract

Wisq probabbli li numru kbir fostna jassoċjaw il-miġja Franċiża f'Malta ma l-ibliet ewlenin, bħal l-Imdina u l-Belt Valletta. Fil-fatt, bliet bħal dawk kienu prinċipalment ir-raġuni tat-tluq tal-Fnanċiżi minn Malta. Iżda huwa nteressanti kemm irħula żagħar bħas-Siġġiewi u Ħal-Safi kelhom parti attiva ġmielha fir-reżistenza li l-Maltin dejjem għamlu kontra l-ħakkiema barranin. Sa minn l-Assedju l-Kbir nafu x'kontribut ta r-raħal tagħna (għalkemm dak iż-żmien maqsum f"irħula żagħar) u dak viċin tagħna, Ħaż-Żebbuġ, kontra t-Torok kif taf tixhed tajjeb ferm l-istorja ta' Wied Qirda. Ukoll meta kien hawn il-Franċiżi, is-Siġġiewi għaraf jingħaqad ma' l-inħawi l-oħra ta' Malta il-preżenza tagħhom jagħmluha qasira ferm.