Proġett bla millenju : letteratura dwar iż-żmien

Abstract

F'pajjiż li fih “proġett" sikwtt ifisser il-bini ta' blokki bla ruħ li fihom il-ġenerazzjonijiet futuri għad iridu jfittxu "r-ruħ" tagħna, ġabra letterarja dwar Proġett Bla Millennju hija wkoll awgurju għal millennju bla proġettt. Ilu ħafna li spiċċa ż-żmien, jekk qatt klen jeżisti, li nifirdu l-kreattivtta ta' l-arti mill-kreattivita tan-natura. Iżda dan il-punt jinħass ħafna iktar fit-titlu milli fit-tmintax-il xogħol li hawn miġburin f`dan il-ktejjeb. Fi żmien meta l-letteratura Maltija qiegħda terġa turi li tinsab viċin il-qalba tar-ruħ ta' pajjiżna għax qed tfittex forom ġodda ta' ħsieb u espressjoni, dan il-Proġett Bla Millennju jikkonferma l-universalita ta' kitbiet li filwaqt li jitilqu minn kuntest ta' żmien u spazju definit ma jibqgħux ikkakkmati miegħu. Ħafna minn dawn ix-xogħlijiet jistgħu jinqraw minn nies li mhumiex Maltin u jinftiehmu kemm bħala xogħlijiet li jixħtu dawl fuq min huma l-Maltin illum kif ukoll, u forsi aktar, bħala xogħlijiet li jistħarrġu l-esperjenzi li aktarx jgħaddu minnhom il-bnedmin ta' kull post u ta' kull żmien.