Żjarat kulturali : passiġġata fl-istorja ta' pajjiżek

Abstract

Fost il-bereġ li nbnew ġewwa l-Belt Valletta, u li għadhom jidhru sal-lum, il-Berġa ta' Aragona, għadha kważi fl-istess stil, daqs u oriġinalità kif kien bnieha Ġlormu Cassar. Huwa maħsub li l-bereġ kollha kienu ta' sular wieħed, iżda dan na_rawh biss f'din il-berġa partikulari. Għalkemm tingħata ideja li din il-berġa hija ta' sular wieħed jekk wieħed jagħti ħarsa fit-triq tal-ġenb, jinduna li din kellha żewġ sulari. Hija biss il-faċċata li tagħtik din l-impressjoni. Il-portikat li hemm quddiem il-bieb, huwa żieda ta' żmien l-Ingliżi. Il-kmamar kollha jduru ma' bitħa ċentrali, kif kien l-istil tal-bini ta' palazzi fis-seklu 16. Matul il-perjodu ta' l-Ingliżi din il-Berġa għamlet xi żmien tintuża bħala r-residenza ta' l-Isqof Anglikan, u minħabba f'hekk it-triq kien jisimha t-Triq ta' l-Isqfijiet, għax ftit 'l isfel kien hemm, u għad hemm, il-Palazz ta' l-Isqof. Illum, tintuża bħala dipartiment tal-Gvem, u nfatti kienet għamlet żmien tintuża bħala l-Uffiċċju tal-Prim Ministru.