Il-poeta Karmenu Vassallo u r-rabta tiegħu ma’ Jum il-Ħelsien

Abstract

Din is-sena pajjiżna qed ifakkar erbgħin sena mill-għeluq tal-bażi navali Ingliża f'Malta. Dan l-avveniment storiku nistgħu ngħidu li għadu frisk fil-memorja kollettiva tagħna l-Maltin. Mhux be ħsiebni nidħol f'dak li wassal biex iseħħ dan il-jum jew fuq ir-relevanza tiegħu, dan inħallih f'idejn l-Istoriċi. Kien hawn wieħed minn fostna s-Siġġiwin li kellu rabta diretta maċ-ċelebrazzjonijet li kienu seħħu fil-lejl tal-31 ta' Marzu tal-1979. Il-Prim Ministru ta' dak iż-żmien, Dom Mintoff, xtaq li tkun ċerimonja imżewqa b'kollox bl-arti u dak kollu li nsibu f'festa, inkluż innu. Karmenu Vassallo huwa l-awtur tal-lirika tal-Innu ta' Jum il-Ħelsien.