Il-qlib tar-reġistru fit-taħdit tat-tfal

Abstract

F'dan l-istudju nistħarreg dwar kif Christine, tifla ta' madwar sitt snin u nofs, taqleb ir-reġistru skond il-persuni varji li hi tindirizza. Żewġ elementi tad-diskors huma analiżżati fil-fond: Il-kmand - fejn fost ohrajn irriżulta li Christine tuża l-kmand dirett u indirett b'karatteristiċi diversi ma' persuni diversi; u l-mistoqsija - fejn fost ħwejjeġ oħra sibt li Christine tistaqsi b'mod aktar frekwenti lil ommha, u li t-tifla tadatta s-suġġett tal-mistoqsija skond it-tagħrif li jista' jagħtiha s-semmiegħ. Fl-aħħar nett niddiskuti t-tibdiliet li tagħmel Christine fit-taħdit sabiex tissimplifika u tiċċara l-lingwa lil ħuha tarbija. Fid-diskussjoni tiegħi naċċenna għal xogħlijiet barranin f'dan il-qasam, għalkemrn analiżi aktar ġenerali tinsab fl-introduzzjoni għal dan ix-xogħol. Minkejja li x-xogħol jista' jkun limitat għaliex jittratta tifla wahda li ġejja minn ċertu ambjent u familja, b'dana kollu, r-riżultati ta' l-istudju tiegħi għandhom ikunu ta' interess għall-qarrej, fl-ambitu tal-lingwistika ġenerali u Maltija.