Ix-xandir bil-Malti

Abstract

F'din id-dissertazzjoni se jigu mistħarrġa ċ-ċirkostanzi partikulari Ii jiffurmaw il-bażi tal-lingwa mitħaddta fuq il-mezzi tax-xandir (it-televiżjoni u b'enfazi partikulari r-radju) bħala reġistru għalih distint mit-taħdit tipiku ta' konversazzjoni ordinarja. lmbagħad tgħaddi biex tistħarreg iċ-ċirkostanzi lingwistiċi u ekstralingwistiċi Ii fihom ix-xandar Malti jkollu jħaddem il-lingwa Maltija, lingwa zgħira u s'issa mħaddma ftit wisq f'dan il-qasam u mhux dejjem minn nies kwalifikati. L·informazzjoni meħtieġa tinġabar kemm permezz ta' kwestjonarju mqassam lix-xandara ta' kull stazzjon Ii jxandar bil-Malti kif ukoll permezz ta' għadd ta' intervisti magħmula lid-diretturi tad-djar tax-xandir u nies oħra midħla ta' dan il-qasam. Wara ssir analiżi tal-Malti użat fix-xandir għall-komunikazzjoni f'oqsma ewlenin - l- aħbarijiet, l-isport u l-mużika anke jekk mhux bi skop ta' analiżi komparattiva. Dan isir permezz ta' għadd xieraq ta' reġistrazzjonijiet minn programmi attwali Ii minnhom jintgħażel kampjun. Minn din I· analiżi joħorgu r-riflessjonijiet lingwistiċi dwar il-kwalita tal-Malti mħaddem, kif ukoll suġġerimenti prattiċi dwar x'jista' jsir biex titjieb il-kwalita tal-Malti fil-mezzi tax-xandir.