Grammatika pedagoġika forma ta' sillabu spirall : studju sinkroniku tal-verb

Abstract

Dan l-istudju jorbot il-lingwistika teoretika mat-tagħlim. Fl-ewwel tliet kapitli nitratta kwistjonijiet bħal x'inhi l-grammatika fis-sens wiesa' tagħha, u x'inhi l-grammatika għall-istudenti tagħna. Nagħti ħarsa wkoll lejn x'tip ta' metodoloġija għandha tintuża għat-tagħlim tal-grammatika lill-istudenti ta' l-ilsien nattiv, u x'tip ta sillabu għandu jkollna biex fuqu nkunu nistgħu nattwaw din il-metodoloġija. Nagħti wkoll ħarsa lejn ix-xejriet differenti li jista' jieħu studju lingwistiku, u kif dawn ix-xejriet jistgħu jkunu marbutin mat-tagħlim. Ħassejt il-ħtieġa li ma din it-teorija, nippreżenta taqsima ta' xogħol prattiku. Għalhekk fir-raba' kapitlu, naqbad ix-xejra sinkronika ta xi punti mill-verb li semmew f'Ilsienna (Borg 1988) u napplikawhom ghat-tagħlim permezz tal-metodologija li shaqt fuqha.