L-Isqof Fra Davide Cocco Palmieri u l-ambjent naturali ... Il-protagonisti marbuta mal-Kappella ta' San Pawl tal-Qlejgha

Abstract

F'din id-dawra li qegħdin nagħmlu flimkien permezz ta' dan l-annwal maħruġ mis-Socjeta Filarmonika Santa Marija, din is-sena l-attenzjoni tagħna se ddur fuq kappella oħra ħelwa li nsibu fil-limiti tal-Mosta. Din hi ddedikata lil San Pawl, li tinsab eżattament f'nofs Wied il-Qlejgħa fejn biswitu nsibu ċ-Chadwick Lakes. L-isem tagħha ma ddakkarx biss minn dan il-wied, izda wkoll mill-inħawi li jdawruha, magħrufa bħala 'tal-Minġiba' Din il-kappella toffri wieħed mill-isbaħ kwadri mlewna bejn ir-Rabat u l-Mosta. Peress li hi maqtugħa minn kull bini u mdawra biss bil-beraħ tal-kampanja, tiġbed l-attenzjoni ta ' kull min jinzerta għaddej minn dawn l-inħawi. Il-biċċa l-kbira ta' din l-art hija proprjeta privata tal-familja Testaferrata Bonici, fejn allura, din il-kappella tippartieni wkoll lill-istess familja ta' demm nobbli.