lr-rappreżentazzjoni tas-sessi fil-letteratura tat-tfal ta' l-awtur u l-illustratur Trevor Żahra

Abstract

L-għan ewlieni ta' dan l-istudju kien analiżi tar-rappreżentazzjoni tas-sessi fil-kotba letterarji għal-tfal ta' bejn it-tmienja u l-hdax-il sena ta' l-awtur u l-illustratur Trevor Żahra. Min din l-analiżi ġew ikkonfermati studji simili Ii saru f'Malta u barra dwar is-sessiżmu fil-kotba tat-tfal, fejn karattri femminili jidhru inqas frekwenti minn dawk maskili u mogħtija rwoli limitati. F'dan l-istudju, sar tqabbil bejn l-opinjonijiet ta' diversi awturi Maltin midħla tal-letteratura tat-tfal dwar is-sessiżmu fil-kotba tagħhom. Mill-intervisti hareġ Ii dawn l-awturi jaqblu fuq diversi punti dwar kif u għaliex jippreżentaw lis-sessi b'ċertu mod u mhux b'ieħor. Huma jenfasizzaw, Ii l- mod kif trabbew iħarsu lejn in-nisa u l-irġiel ġie rifless fil-mod kif irrappreżentaw is- sessi fil-kotba tagħhom. Huma kollha qabblu Ii llum, is-soċjeta' Maltija qiegħda tħares b'lenti differenti lejn sehem il-mara u tar-raġel fis-soċjeta', u dan għandu jidher ukoll f'kitbiethom. Minn studji oħra ħareg Ii s-sessiżmu fl-istejjer tat-tfal iħalli influwenzi negattivi fil-qarrej. Minħabba f'hekk, żviluppajt għadd ta' attivitajiet Ii għandhom jgħinu lit-tfal jagħrfu kif is-soċjeta' toħloq sterjotipi tas-sessi u permezz ta' hekk jitnaqqsu l-influwenzi ħżiena fuqhom bħala qarrejja.