Iż-Żejtun fil-qedem: trinek għat-tkabbir tas-sigar taż-żebbuġ u tad-dwieli

Abstract

Skond is-Sur Frans Mallia, li fis-sittinijiet u sebgħinijiet kien kuratur tal-Arkeoloġija u wara direttur tad-Dipartiment tal-Mużewijiet, meta kien jitkellem fuq 'lanijiet' li kien jiddeskrivihom bħala kanali fil-blat biex jitħawlu fihom id-dwieli. Bħal dawn il-kanali nsibu għadd ġmielu maqtugħin fil-blat f'dawn l-aħħar snin waqt it-tħaffir arkeologiku li l- għalliema tad-Dipartiment tal-Arkeologija tal-Universita’ ta' Malta, flimkien mal-istudenti wettqu fuq il-fdalijiet tal-villa Rumana li tinsab fil-qasam tal-iskola sekondarja tal-Bniet fiz-Zejtun. Wara studju ta' tqabbil ta' dawn il-kanali m'oħrajn li nstabu dan l-aħħar f'inħawi oħra ta' Malta, kif ukoll ta' barra minn Malta, ħareg ċar li dawn kienu serje regulari ta' trinek imħaffrin fil-blat biex jagħtu iktar tixrib fil-ħamrija għall-għeruq tad-dwieli fix-xhur nixfin tas-sajf. Dan kien ifisser li qabel rna telgħet il-villa Rumana l-art li fuqha nbniet kienet art agrikola ddedikata għat-tkabbir jew tas-siġar taż-żebbuġ, jew tad-dwieli