Il-Katidral tal-Lvant

Abstract

Fid-diskors tal-okkażjoni tal-275 Anniversarju mill-Konsagrazzjoni tal-Knisja Parrokkjali ta’ Santa Katarina V.M., nisimgħu li għall-bidu tas-seklu 17 pastoralment kollox kien jiddependi mill-knisja ta’ Santa Katarina taż-Żejtun u peress li din kienet xi ftit jew wisq il-bogħod, inħasset il-ħtieġa li tinsab biċċa art kbira biżżejjed li fuqa tinbena knisja ġdida sabiex tkopri l-irħula, bħal-Ħaż-Żabbar, Ħal Għaxaq, Ħal Bisbut, Bisqallin, Ħal Tmin Ħal Ġwann u oħrajn. Fil-25 ta’ Novembru 1692 sar it-tqegħid tal-ewwel ġebla tal-knisja il-ġdida u fl-10 ta’ Mejju 1744 ġiet ikkonsagrata u ddedikata lil Santa Katarina. Naraw li l-kampnari kienu reġu nbnew mill-ġdid u miżjuda mall-faċċata, differenti minn kif kienu nbnew dawk it-tnejn ta’ qabel, fuq wara tal-knisja. Fid-dehra ġdida tagħha l-knisja taż-Żejtun ġiet tixbaħ lil dik tal-Imdina, li kienet xogħol tal-istess kapumastru, Lorenzo Gafa’. .