Glossarju analitiku ta' termini marbuta maċ-ċinematografija

Abstract

Din it-teżi tfittex li tikkompila termini użati fil-qasam taċ-ċinematografija fl-Ingliz u tagħti l- ekwivalenti tagħhom fil-Malti flimkien ma' analiżi dettaljata. Fil-Malti ftit li xejn għandna termini marbuta maċ-ċinematografija għaliex f'pajjizna ċ-ċinema bħala industrija għadha trid tiżviluppa. Il-ftit kliem li nsibu huwa minħabba li huwa użat f'oqsma oħra aktar attivi hawn Malta li b'xi mod għandhom x'jaqsmu maċ-ċinematografija bħal ngħidu aħna d-drama, l-fotografija u x-xandir. Il-bżonn ta' terminologija Maltija marbuta maċ-ċinema għad jiżdied aktar ma l-attivita taċ-ċinematografija tikber fMalta. Fejn fil-Malti m'għandniex ekwivalenti tal-kliem Ingliz it-teżi tħares lejn diversi aspetti sabiex toħrog b'numru ta' soluzzjonijiet u alternattivi possibbli. L-aspetti tal-lingwistika u soċjolingwistika huma elementi importanti li jiddeterminaw l-għażla jew il-kreazzjoni tal-kliem fil-Malti. It-teorija tat-traduzzjoni hija kkunsidrata wkoll. F'każ li fil-Malti diġa hu mifrux l-użu tal-kelma bl-Ingliz, it-teżi tipproponi alternattivi oħra filwaqt li dejjem tagħti kas tar-regoli u l- istruttura tal-Malti u tispjega fid-dettall b'mod akkademiku r-raġunijiet għall-għażliet varji. It-teżi tikkunsidra termini minn aspetti kemm jista' jkun varjati marbuta maċ-ċinematografija li jinkludu fost l-ohrajn l-aspetti tal-kritika, teorija u movimenti differenti, l-aspett storiku, l- aspett tekniku, l-aspett tal-istil u ġeneri differenti, ismijiet ta' nies li jaħdmu fl-oqsma taċ-ċinematografija u termini ġenerali ohra.