Terminoloġija dwar it-tniġġis u l-konservazzjoni tal-ambjent marittimu

Abstract

Konxja mill-isfidi Ii jeżistu fil-qasam tat-traduzzjoni għall-Malti u konxja mill-impatt Ii xogħol it-tradutturi għandu fuq il-kredibilita tal-politika lingwistika ta' pajjiżna nixtieq inressaq quddiemkom din it-teżi fuq it-Terminoloġija dwar it-tniġġis u l- konservazzjoni tal-Ambjent Marittimu. Permezz ta' dan it-titlu nixtieq inkompli nippromwovi kwalita tajba tal-Ilsien Malti Ii jista' jibqa' jintuża fid-dokumenti uffiċjali tal-Unjoni Ewropea, fil-liġijiet ta' Malta; l-aktar fir-rigward tal-Politika Marittima kif ukoll f'terminoloġija aktar stabbilita f'kotba ġeografici edukattivi. Irrid kieku nista' nkompli nwitti t-triq biex jinstabu aktar soluzzjonijiet komuni għal xi diffikultajiet Ii qegħdin jiltaqgħu magħhom it-tradutturi llum il-ġumata. Naħseb dejjem għandu jkun hemm użu effiċjenti tar-riżorsi lingwistiċi u tekniċi onlajn sabiex iservu ta' linji gwida għat-tradutturi meta jiġu biex jaqilbu testi fuq l-ambjent marittimu mill-Ingliz għall-Malti. Permezz ta' glossarji Ii jinftiehmu minn kulħadd (bħal din Ii qiegħda nipproponi) fi lsienna jkun hemm aktar uniformita, konsistenza u preċizjoni fi kwalunkwe xogħol tat-traduttur, sew jekk huma dokumenti, ligijiet u l-bqija. Dawn iservu wkoll t'għajnuna siewja fejn tidhol l-ortografija Maltija u l-użu korrett tagħha fl-iżvilupp ta' terminoloġija ġdida u aġġornata.