Ir-rumanz politiku fit-tmeninijiet

Abstract

Din ir-riċerka tagħfas fuq is-sehem li l-letteratura tat permezz tan-narrattiva kreattiva f'epoka partikolari. Fit-tieni nofs tas-Seklu Għoxrin, ir-rumanz soċjali kellu jassumi responsabbilta politika minħabba l-iżviluppi li kienu qegħdin iseħħu fis-soċjeta. Xi wħud minn dawn l-iżviluppi kienu jmorru kontra x-xejriet tal-mentalita Maltija. lr-rumanzi tat-tmeninijiet donnhom riedu jagħmlu ħaqq mis-soċjeta Maltija. Xi wħud mill-awturi Maltin ħadu l-imgħoddi biex jgħaddu messaġġ dwar il-preżent. Dan insibuh fost l-oħrajn fir-rumanzi politiċi Rivoluzione do Minore ta' Lino Spiteri u It-Tarf ta' Cesare Catania. Iżda l-iskop ewlieni ta' din ir-riċerka hu li jiġi mistħarreġ l-awtur Malti li ħa l-preżent u ġġudikah. Għalhekk fdan l- istudju l-attenzjoni qed tingħata speċjalment lir-rumanz Fil-Parlament ma Jikbrux Fjuri ta' Oliver Friġġieri. Dan imbilli fil-każ ta' dan ix-xogħol partikolari jidher ċertu xebh bejn xi aspetti soċjali fil-plott tar-rumanz u l-isfond storiku-soċjali taż-żmien li fih gie żviluppat. Attenzjoni partikolari qed tingħata lill-mod ta' kif ir-rumanzier laħħam fehmiet Kristjani mas-sitwazzjoni soċjo politika Maltija ta' ċertu żmien.