Il-Kannierja tal-Knisja Parrokkjali

Abstract

Taħt il-knisja taż-Żejtun insibu żewġ kannierji, jew aħjar il-kripta, li fiha kienet tilqa' l-iġsma tal-parruċċani li mxew għat-tieni vjagg wara li ħallew din id-dinja. Il-kannierja il-mudlama, kif inhi magħrufa, hija l-kripta prinċipali u li tinsab taħt il-kursija kollha, jiġifieri minn taħt il-bieb prinċipali tal-knisja sa l-aħħar arkata tal-kursija qabel il-koppla. Hija kollha kemm hi man-naħa tan-nofs in-nhar, jiġifieri n-naħa tal- artal ta' Sant' Andrija insibu t-tieni kripta li saret fit-tieni nofs tas-seklu tmintax, meta nbnew n-navi. Din il-kripta hija msaqqfa bi troll mill-isbaħ u fit-tarf tagħha nsibu medaljun minqux fil-ġebla bi xbiha tal-Madonna tar-Rużarju u żewġ xbihat ta' l-erwieħ fil-ġnub. Il-qabar quddiem din ix-xbiha tal-Madonna kien riservat għall-membri tal-kleru.maqtugħa fil-blat u msaqqfa bi ħmistax il-ħnejja u li fuqhom iserrħu x-xriek. Fiż-żewġ kannierji għadna nistgħu naraw mall-ħitan marki u numri, li juru n-numru ta' kull qabar, kif ukoll numru ta' niċeċ żgħar fil-ħitan li fihom kienu jitqiegħdu x-xemgħat jew imsiebaħ biex idawwlu dawn l-ispazji.